Kenesis 25 - Kenesĭs 1914 Ruth 1932 (Erromanga)

¹ Penūri Ebraham yōĭmpī retepon mori yeti natov nin eni mokū Ketūra.

² Mō meti numprokomol iran Ebraham ugi iyi Sĭmran, ĭm Yoksan, ĭm Midan, ĭm Mĭdian, ĭm Isbak, ĭm Sūa.

³ Mō meti numprokomol iran Yoksan, Siba, ĭm Didan, mirora ōvun nĭtnĭme eni Ashūr, ĭm Letūs, ĭm Lēum dūmnē ra Didan.

⁴ Im Mĭdian yivī ōvun nĭtnĭme eni, Efa, ĭm Efer, ĭm Hanok, ĭm Abida, ĭm Eldēa. Irora sū ōvūn nĭtnĭme mori dūmnē ra Ketūra.

⁵ Im Ebraham yĭmtenĭmpe pugi Isak en tiame sū eni.

⁶ Kō Ebraham yitalokugi pun ōra ōvun nĭtnĭme en irora ovasiven mōmū eni, ōvun ĭtemas mō ĭmtamūl‐ora ra nūrū ūnūrū marugi Isak nĭtni eni pol sugkū yumūrep.

⁷ Dūti dan sū ra nevi sū ra nomūrep wun hunder ĭm seventi‐fīv nevi sū.

⁸ Im Ebraham isūma nesumsah mō mas ra nĭmpugon numpūmetūo eni, neteme numprĭtwī dūti nevi sū sikat iran, mō ĭmpe tovun‐ōra ravĭndeme eni.

⁹ Im Isak, ĭm Ismēel ōvun nĭtni eni dūtĭnemi iyi ūneveli Makpila ra nūrū eni Efron nĭtni eni Sōhar, neteme eni Het,

¹⁰ nūrū mori ra nokorĭn Mamri, Nūrū mori Ebraham yivasĭgi marokonda ōveteme eni Het, yite?-?nemi Ebraham iyūi, ĭm Sēra retepon eni.

¹¹ Mō netepū penūri Ebraham yimas Iehōva yivīeves Isak nĭtni eni ĭm Isak yetĭndōwi ra nūĭtokeli Lahēī‐rōi.

¹² Dūti imo sū ōvun palsi eni Ismēel nĭtni eni Ebraham mori dumprokomol iran Ebraham ugi Hēkar nasiven Ityĭpt, nasiven torugat eni Sēra.

¹³ Mimo sū ov ninda en irora ōvun nĭtnĭme eni Ismēel, ugi ov ninda, mugi ōvun palsi sū en irora; ĭtnetemefi eni Ismēel yeti Nebēōt; ĭm Kidar, ĭm Adbil, ĭm Mĭbsam.

¹⁴ Im Mĭsma, ĭm Dūma, ĭm Masa.

¹⁵ Im Hēdar, ĭm Tima, ĭm Yetūr, Nafis ĭm Kedema.

¹⁶ Imo sū mori ōvun nĭtnĭme eni Ismēel, dūatov ninda mūmokū ugi ōvun tĭmne en irora, ĭm sugkū ōvun nimo?-?sū enirora mori horog, mov nelepon natemonōk twelv ugi ov numpūn lō sū en irora.

¹⁷ Nevi sū ra nomūrep eni Ismēel dūti nevi sū wun hunder ĭm turti seven, miyi ĭsūma nesumsah, yōmas mō ĭmpe pun ōra ravĭndeme eni.

¹⁸ Mirora dumorokote lap ĭlebōteven ra Havila ĭm ra Sūr mori ra nokorin Ityĭpt sugkū sī umampe devsĭgo ra Ashūr; miyi yimas ūnimĭnda ravĭnsīeme eni omwi sū.

¹⁹ Dūti imo sū ōvun palsi sū eni Isak nĭtni eni Ebraham; Ebraham yivī Isak.

²⁰ Dūti nevi sū forti iran Isak nĭmpugon iyi yivī Rebeka retepon eni, nĭtni eni Betūel neteme Sĭria, ra Padanaram, vĭven eni Lēban neteme Sĭria.

²¹ Im Isak yesenĭgi Iehōva nĭsekon retepon eni ĭt iyi umlat, im Iehōva yorĭgi, ĭm Rebeka retepon eni yisar.

²² Mov nĭtni dūōil ūnesog iyi, miyi yenūwi memokū, Nagkū aremī, anti nōkowo imō tovuni yx? Miyi yive wore?-?tagkeli ugi Iehōva.

²³ Im Iehōva yĭmtamsi pugi memokū, Numpūn lō en dūrū ūnetnĭn kĭk, mov netevokontū en dūrū wamnē ra netnĭn‐e‐kĭk, sī lō anti horog mōmū ra sī, miyi ĭtnetemefi ontarugat iran ĭtevirok.

²⁴ Im pol sūgkū yokompeli dan sū worevī nĭtni eni, pah umaleme ūnetnĭn eni.

²⁵ Miyi mori yōbūm yetūratumpeni ilat navilara ĭm nokolĭsiran sugkū nemas noveliran; mirora dūatov nin eni mūmokū, Iso.

²⁶ Penūri yetūratumpeni ilat avĭnsī eni, miyi gi nokoben yorūleki masūri eni Iso; yeti natov nin eni memokū Iēkob. Dūti nevi sū iran Isak sĭksti mĭmpugon iroran dūrū dūti numprokomol ugi Rebeka.

²⁷ Mavūnyan mori dūalam; ĭm Iso yeti neteme nelekon woresumpeli ōvun nūrah sū, neteme ūntumpe; kō Iēkob yeti neteme wokon mori yetĭndōwi ra mumpon ōvun tent.

²⁸ Im Isak yelĭntugi Iso, ĭt iyi yeni nelat eni, kō Rebeka yelĭntugi Iēkob.

²⁹ Im Iēkob yiworūmon nevag ĭm iso yivelum yĭmnē ūntumpe, miyi yetevūlul.

³⁰ Im Iso yenūwi pugi Iēkob memokū, Ya kum nesĭnug kĭk, ovo‐yx nevag enugkĭk mori navilara, ĭt ya kum mĭntavūlūl; ĭm popōwo sugkū yatov nin eni mokū Idom.

³¹ Im Iēkob yōmenūwi memokū, Evasigi po yx irē pen dan ima mori enugkĭk ugi ĭtnetemfi enugkĭk.

³² Im Iso yōmenūwi memokū, Pah, ya kum mĭntī nūrū, ĭm tie aremī nĭsekog imō ugi ĭtnetemefi enyx?

³³ Im Iēkob yōmenūwi memokū, Enūwi po yx nam ūnam irē pen dan; miyi yenūwi pe; miyi yĭvasĭgi Iēkob ima mori ugi ĭtnetemefi.

³⁴ Im Iēkob yovugi Iso yōūp ĭm nevag ra lentĭl, miyi yeni mō moneki, yōĭmtūok mōĭmpe. Im Iso yokesĭndi ima mori ugi ĭtnetemefi eni.