Kenesis 22 - Kenesĭs 1914 Ruth 1932 (Erromanga)

¹ Mō metepū penūri imō sū ma Iehōva yimtapmi iran Ebraham, mō menūwi pugi memokū, Ebraham; miyi yitamsi memokū, Pah! Yx.

² Miyi yōmenūwi memokū, Vi iyi marima Isak nĭtum, nĭtum sīteven mori kĭk emne?-?lĭntugi mō ĭmpe ra nūrū Morīa mō mesokowar iyi ugi nom ra sī numpūo mori ya kosesi punok.

³ Im Ebraham itūok ra numti dan yōmovietōete as eni mō ĭmpī neviarep en dūrū eni dal iyi ĭm Isak nĭtni eni mō ĭmtantevi nē woretni sokowar mori Iehōva yĭpmenūwi pugi.

⁴ Im ran dan deselugi Ebraham yĭmeiasah mō mokesi nūrū mori isūt.

⁵ Im Ebraham yenūwi pun ōra neviarep eni memokū, Ute ĭgko kĭmi dal as ĭm ya ampe yūi ūndū nalx woretĭvĭta mō mampelum pug kūm.

⁶ Im Ebraham yĭmarōkī nĭmsĭn sokowar mō metipe iran Isak nĭtni eni woruriuki; miyi yivī gi nokoben eni iyi, nom ĭm nxetūga miroran dūrū dūmavan.

⁷ Im Isak yenūwi pugi Ebraham ĭtemen eni memoku, Nate yx; miyi yitamsi memokū, Pah, yx, nĭtug. Miyi yōmenūwi memokū, Pah; nom ĭgko ĭm narōkī, kō yēī lam woresokowar ugi nom?

⁸ Im Ebraham yōĭmtamsi memokū, Nĭtūg, Nōbū osiman nĭsekon iyi sī lam woresokowar ugi nom, mirora dūmūve.

⁹ Miroran dūrū dūmūve ra nūrū mori Iehōva yĭpmenūwi pugi, ĭm yūi Ebraham yumpi nefati mō ĭmtave?-?nam, mō mēeti Isak nĭtni eni, mō metipe iyi ran tan tavenam mori yĭmeti ran tan nefati.

¹⁰ Im Ebraham yēevan gi nokoben mō ĭmpī nxetūga woretī nĭtni eni.

¹¹ Miyi Nagelō eni Iehōva yovrugi iyi marugi pōkop mō menūwi pugi memokū, Ebraham Ebraham, Miyi yenūwi memokū, Pah, yx.

¹² Miyi yōmenūwi pugi memokū, Etūtipe nokopmū iran nalx mori, etūumpi sī en tiē sī iran, ĭt ya kum magkili marima ma kĭk emam?-?tetugi Iehōva Nōbū pōpōwo kĭmetūsigui woko‐yx nĭtum sīteven wokon.

¹³ Im Ebraham yĭmelagkx mō mokesi kitan, ĭm pah, yūi sī pugipugi ĭtnateman, yokelara ugi nĭmpati eni ran topūtūī; ĭm Ebraham yivē mō ĭmpī pugipugi mori mō ĭm sokowar ugi nom, tampenum ugi nĭtni eni.

¹⁴ Im Ebraham yatov nin nūrū mori memokū, Iehōva‐yire, mirora ra numpūo umanūwi magkū sugkū ugi mafeli imō dan, Iehōva‐osiman.

¹⁵ Miyi Nagelō eni Iehōva yōmovrugi ra Ebraham marugi pōkop,

¹⁶ mō menūwi pugi memokū, ya onūwi nam ūnam ugi yx po yx memokū, popōwo kimumpi imō ĭm kĭmetūsiugi nĭtum,

¹⁷ nĭtum sīteven ya kampīeves kĭk tamas mō mumpi worelegetevtevi novsen enugkĭk sugkū mosi sū ra pōkop, ĭm sugkū nariven ĭkeri, mov movsen enugkĭk wampī nĭsekonda ōvun sempet ov novsen nakan en‐irora.

¹⁸ Numpūn lō sū omwisū ra nūrū sū nūrū sū wanti nevīeves ugi novsen enugkĭk popōwo kĭmesĭndiuki ves nam enyx.

¹⁹ Im Ebraham yoĭmtorĭleki pun ōra neviarep eni, mirora sū dūmūtūok mō mūve ra Birsiba; ĭm Ebraham yĭmetĭndōwi ra Birsiba.

²⁰ Mō metepū penūri imo sū, irora dūmūnūwi pugi Ebraham mūmokū, Pah! Mĭlka yivī ōvun nĭtnĭme iran Nēhor avīnsī kĭk.

²¹ Hus ĭtnetemefi eni, im Bus avĭnsī eni;

²² ĭm Hasō, ĭm Yĭdlaf, ĭm Betūel,

²³ mori yivī Rebeka, irora mō ēt, iyi Mĭlka yivī iran Nēhor avĭnsī eni Ebraham.

²⁴ Im nasiven eni sī mōmū mori yeti natōv nin eni memōkū, Ruma, iyi sugkū yivī Tiba ĭm Kēham, ĭm Tēsas ĭm Mēaka.