Kenesis 2 - Kenesĭs 1914 Ruth 1932 (Erromanga)

¹ Im pōkop mūnemap mōvun tentūrū sū ra mumpon irora dūti nokompeli sū.

² Im Nōbū yĭmtampeli ōvun numpūrah sū eni ran dan sū mĭsekī, miyi yemĭndog ran dan sūkrĭm‐narūgi marugi ov numpūrah sū eni, omwisū mori iyi yipmumpi.

³ Im Nōbū yivīeves pe dan sūkrĭm‐narūgi mō mumpi memokū pe tumpora, popōwo ra iman dan mori iyi yemĭndog marugi ov numpūrah sū eni omwi sū mori Nōbū yipmetipe mō mumpi.

⁴ Imo sū yeti nate potnin pōkop mūnemap, pol sugkū Iehōva Nōbū yĭpmetipe irora ran dan mori iyi yĭpmumpi pōkop mūnemap,

⁵ mōvun nōvo dūtūtepū ra nemap, ĭt iyi Iehōva Nōbū yetūumpi gi nebĭb woromol ra nemap, ĭm yetū sī neteme worokeli nemap.

⁶ Kō ūmōap yisah yimnē ra nemap mō mavūwi tan nemap omwisū.

⁷ Im Iehōva Nōbū yĭmumpi neteme gi navivon nemap mo mesumsah ra worokolag eni gi nesumsah nomūrep, im neteme yetepū naviat mumprokomūrep.

⁸ Im Iehōva Nōbū yĭmumpi denūok ūnūrū ra Iden, ĭm yūi iyi yĭmetipe neteme mori iyi yĭpmumpi.

⁹ Im Iehōva Nōbū yĭmumpi tiame nē sū nilaswi marimī woreni woreteli ra nemap; ĭm nē ra nomūrep sugkū ĭlebōteven denūok, ĭm sī nē noĭntan aremī ĭm sat.

¹⁰ Im nĭntelep yĭmorari yĭmnē ra Iden woresōsowi denūok; yĭmnē ra nūrū yūi yĭmsug devat.

¹¹ Nin pe ra nōbūm Pīson; imō mori umnagkx ugi nūrū ra Havila; iyūi kōld.

¹² Im kōd rap nūrū yūi oti aremī; ĭm yūi sugkū bedōlal ĭm nevat sōham.

¹³ Im nin pe nĭntelep dūrūgi Kīhon, imō mori umnagkxugi nūrū ra Etiopia.

¹⁴ Im nin pe deselugi Hĭdikel; imō mori umnot rari ūnūrū ra Asĭria. Im nĭntelep devaug‐i Yūfrētes.

¹⁵ Im Iehōva Nōbū yĭmpasewugi neteme mō metipe iyi ran denūok Iden worokeli pe mō mafĭnte pe.

¹⁶ Im Iehōva Nōbū yĭmpasewugi neteme mō menūwi pugi memokū, Kĭk oneni novūan nē sū ran denūok;

¹⁷ kō sī nē noĭntanwi, nē worokili aremī ĭm sat, Etūon ĭmpe; popōwo ran dan mori kĭk onenĭmpe, itnesog kĭk mamas.

¹⁸ Im Iehōva yĭmenūwi memokū, Otū aremī neteme worete e kō sī, ya konumpi sī naveri nĭsekon sugkū iyi.

¹⁹ Im Iehōva Nōbū yĭmumpi gi nemap ov nūrah sū en tiame nomūrep ra netē nūrū sū, menōk sū ūnēī, mō ĭmtōr‐ōra pugi neteme worokili sū sugkū iyi onatov ninda; mima mori neteme yĭmatov ninda nūrah sū nomūrep yeti ninda sū.

²⁰ Miyi neteme yĭmatov ninda ōvun nūrah sū en tamas ĭm menōk sū ūnēī, im nūrah sū nomūrep ra netē nūrū sū; kō nĭsekon neteme yetū sī naveri sugkū iyi.

²¹ Im Iehōva Nōbū yĭmumpi Adam woralēepatemas, miyi yĭmalēepō, miyi yĭmpī sī nĭmperi eni mō ĭmsumpat fan memēekceki.

²² Im nĭmperi mori Iehōva yĭmpī marugi neteme iyi yĭmumpi nasiven mo ĭmtōr‐iyi pugi neteme mori.

²³ Miyi neteme yĭmenūwi memokū, Imō marima oti nōiran ra nōirag sū, ĭm fan ra fan enyx, ĭm popōwo pe sugkū anti natov nin eni magkū Nasiven, ĭt iyi yeti nevī marugi neteme.

²⁴ Popōwo pe sugkū sī neteme awi ĭtemen eni ĭm dĭneme eni mō mantĭndōwi ūndū retepon eni; miroran dūrū wanti fan sī teven.

²⁵ Mirora dūavan e wokon, neteme mori ĭm retepon eni, mō mūtū arumprum.