Kenesis 16 - Kenesĭs 1914 Ruth 1932 (Erromanga)

¹ Im Sērēī netepon eni Ebram yetūvī nĭtni; ĭm Hēkar, nasiven Ityĭpt yeti torugat eni.

² Im Sērēī yenūwī pugi Ebram memokū, Pah Iehōva, osī morūleki yx woretūvī nĭtni, Eve ūnesog, ya kum mĭntagkelok, pugi nasiven torugat enyx, ĭm ya kampī ōvun nĭtnĭme ugi iyi kū? Im Ebram yĭmorĭgi nam eni retepon.

³ Ebram yĭmetĭndōwi nevi sū ten ra nūrū Kēnan pol sugkū Sērēī yĭmtōri Hēkar nasiven Ityĭpt, nasiven torugat eni, mō movugi Ebram asūon eni woreti retepon eni.

⁴ Miyi yive ūnesog pugi Hēkar miyi yisar mō ĭmpī nĭtni; miyi yiworemi‐sat iran nasĭmnalam eni.

⁵ Im Sērēī yōmenūwi pugi Ebram memokū, Eti iram nelĭleki enyx; yx movugi nasiven torugat enyx ra ne?-?mĭndugom, ĭm pol sugkū iyi yokesi yetin tandio?-?kumpōk yiworemi‐sat irag. Iehōva ūrian irag miram.

⁶ Im Ebram yōmenūwi pugi Sērēī memokū, Pah, nasiven torugat enugkĭk oti ra mumpon horog enugkĭk, umpi iran sugkū kĭk umnakīugi. Im Sērēī yētipe nugkugko iran miyi yĭmalō.

⁷ Miyi Nagelō eni Iehōva yĭmokesi iyi ra novūanda ra nūrū wokon,

⁸ novūanda mori ra selat ra Sūr; mĭmenūwi memokū, Hēkar, Nasiven torugat eni Sērēī, Kĭmnēa? Kĭmampēa? Miyi yĭmtamsi memokū, Ya kum nalō marugi nĭpmi eni Sērēī nasĭmnalam enyx.

⁹ Miyi Nagelō eni Iehōva yōmenūwi pugi memokū, Torĭleki pugi nasĭmnalam enugkĭk mē ĭm sĭndiukives iyi.

¹⁰ Im Nagelō eni Iehōva yōmenūwi pugi memokū, Ya onumpi woretĭndamsah novsen enugkĭk mūtū asepe irora sū popōwo wanti sikat wokon.

¹¹ Im Nagelō eni Iehōva yōmenūaveni pugi memokū, Pah, kĭk oketan diokumpōk ĭm kĭk ampī nĭtni mō menatov nin eni magkū, Ismēel ĭt iyi Iehōva orĭgi sokomulep enugkĭk.

¹² Miyi anti neteme nagon, nokoben eni iranda ōveteme, ĭm nokobĭnda ōveteme iran. Miyi antĭndōwi unimĭnda ravĭnsīeme eni omwi sū.

¹³ Im Hēkar yĭmatov nĭn eni Iehōva mori yĭmenūwi pugi memokū El‐rōi, ĭt iyi yenūwi memokū, Ya kokesi igko iyi mori umagkusi‐yx kū?

¹⁴ Popōwo pe sugkū yeti natov nin novūanda mori memokū Biēr‐lahīrōi; pah, yeti ilebōteven Kēdes ĭm Bired.

¹⁵ Im Hēkar yivī sī nĭtni iran Ebram, ĭm Ebram yatov nin eni nĭtni mori Hēkar yivī iran memokū Ismēel.

¹⁶ Im nevi sū iran Ebram dūti ēti‐sĭks ra nĭmpugon mori Hēkar yivī Ismēel iran Ebram.