Kenesis 14 - Kenesĭs 1914 Ruth 1932 (Erromanga)

¹ Mō metepū ran dan sū eni Amrafel, fan lō Sīnar, ĭm Arīok yeti fan lō Elasar, ĭm Kedorlēōmer fan lō Ilam, ĭm Tīdal fan lō Kōyim irora dūmumpi ūbrami iran Bira,

² fan lō Sodom miran Bersa fan lo Komora, ĭm Sīnab fan lo Adma, ĭm Semiber fan lō Sebōĭm, miran fan lō Bila mori oti Sōar.

³ Imo sū dūtĭn nēet‐ōra mafeli ra nūrū nomolsep Sĭdem, mori oti tok netūkūs.

⁴ Nevi sū twelv irora dūtorugat iran Kedorlēōmer, kō penūri ra nevi turtin dūmarugi iyi.

⁵ Im ra nevi fōrtin Kedorlēōmer mōvun fan lō dal dūmūvelum mō mūtī ōveteme Refē, ra nūrū Astirot‐Karnēĭm, mōveteme Sūsī, ra nūrū Ham, mōveteme Emī,

⁶ ra nomolsop Kĭriatēĭm; mōveteme Hor ra numpūo Sier mafeli ra Elpēran potipot ra nūrū wokon.

⁷ Mirora dūmūtorĭloki mō mūvelum ra Enmĭsfat mori oti Kēdīs, mō mūtī nete nūrū sū en irora ōveteme Amelek, mōveteme Amor mori dūmūtĭndōwi ra Haseson‐Tamar.

⁸ Miyi fan lō Sodom, ĭm fan lō Komora ĭm fan lō Adma, ĭm fan lō Sebōĭm, ĭm fan lō Bila mori oti Sōar dūmūve mō mavahat iranda mori ra nomolsep Sĭdĭm, Kedorlēōmar, fan lō Ilam, ĭm Tĭdal fan lo Kōyim, ĭm Amrafel,

⁹ fan lō Elasar, ōvun fan lo‐n devat iranda ōvun fan lō sūkrĭm.

¹⁰ Dūti ra nomolsep Sĭdĭm ov nokol gi nagī, mōvun fan lō Sodom ĭm Komora dūalō mō momol iyūi, ĭm nugkondeme dūalō ra numpūo.

¹¹ Mirora dūvī nōeti omwi sū ra mumpon Sodom ĭm Komora ĭm nevag omwi sū en irora mō mūve.

¹² Mirora dūvī Lot nĭtni avinsī eni Ebram mori yetĭndōwi ra Sodom ĭm nōete eni mō mūve.

¹³ Im sī mori yeti tomūrep ivē mō menūwi ugi pugi Ebram neteme Hibrū mori yĭmorokotewi ra nomolsep eni Mamre eni Amor, avĭnsi eni Eskol mavĭnsī eni Ener, miroran dūrū dūti dal Ebram.

¹⁴ Pol sugkū Ebram yĭmorĭgi nam ma irora dūmuriuki pelah avĭnsi eni iyi yĭmtōr‐ōra ōvun lĭvsx mori dumprokomol ra mumpon nimō eni, ōveteme tri hunder ĭm ētin mori iyi yĭmtavsok‐onda, yĭmeles‐ōra ra nūrū Dan.

¹⁵ Miyi yetevafi‐wokonda ōvun lĭvsx eni iranda ra pūmrok mō mūtī irora, mō mūles‐ōra ra Hōba mori oti ra nokoren moor ra Damaskus.

¹⁶ Miyi yōĭmpī ĭm pelum dal iyi nōete sū eni mōvasiven sugkū mōv netevokontū.

¹⁷ Miyi fan lō Sodom yive worevetĭt iran (penūri iyi yōĭmtorileki yĭmnē ra ūbrami iran Kedorlēōmer mōvun fan lō dal iyi,) ra nomolsep Save, mori nomolsep eni iyi fan lō.

¹⁸ Miyi Melkĭsedek, fan lō Sēlem yivī ĭm pelum yōūp ĭm wīn, miyi mori yeti potni sokowar eni Iehōva Tantevakepe.

¹⁹ Miyi yivīeves iran mĭmenūwi memokū, Nevīeves Ebram ugi Iehōva Tantevakepe eni ūnpōkop mūnemap.

²⁰ Nevīeves Iehōva mori yovunok ov novsen nakan enugkĭk, miyi yovugi suīgi ra narolĭmugo‐n tiame sū eni.

²¹ Im fan lō Sodom yōmenūwi pugi Ebram memokū Ovo‐yx ov netevokontū mō ĭmpī nōete sū nĭsekom.

²² Im Ebram yĭmenūwi pugi fan lō Sodom memokū, Yx movkisah nokobug ra Iehōva Tantevakepe eni ūnpōkop mūnemap;

²³ Ya otū ampī ra nelĭs ra woravan, ya otū ampī sī en tiē sī enugkĭk kū en tawi kīk anuwi magkū, yx mumpi Ebram woretipe nōete tamas eni:

²⁴ imō wokon ma irora neviarep dwoni, ĭm nugkon nĭsekonda ōveteme mori dūve dal yx, Ener, ĭm Eskol, ĭm Mamri, irora mori wampī netevūrak en irora.