Kenesis 13 - Kenesĭs 1914 Ruth 1932 (Erromanga)

¹ In Ebram yĭvesah yĭmnē Ityĭpt, iyi ĭm retepon eni, momwi sū eni, ĭm Lot ūndū iyi, mō mūve devsego empak.

² Im Ebram yĭmetĭpe nōete eni tamas, ov nūrah sū ĭm sĭlver ĭm kōld.

³ Miyi yĭmavan yĭmnē empak ra Betel, nūrū iyūi yĭpmetipe tent eni ĭlebōteven Betel ĭm Hēī,

⁴ ra nūrū mori iyi yĭpmumpi nefati, iyūi Ebram yōmovrugi ra nin eni Iehōva.

⁵ Im Lot sugkū mori yĭmpe ūndū Ebram, iyi yĭmetipe eni ōvun sĭmsĭmak sū mōvun nūrah, mōvun tent.

⁶ Im nūrū yūi yetū faneteme worovugun‐ōra sugkū ma irora wantĭndōwi sĭmsĭmugi popōwo ugi tamas nōete en irora; mirora dūtū faneteme woretĭndōwi sĭmsĭmugi.

⁷ Mov navles ra ōvun sĭmsĭmak sū eni Ebram meni Lot dūōil; ĭm ra nĭmpugon mori ōveteme Kēnan, mōveteme Perĭs dūmūtĭndōwi ra nūrū mori.

⁸ Im Ebram yĭmenūwi pugi Lot memokū Etūōil irag miram, ya kum magkū aremi woretūōil iranda ov navles enyx menugkĭk, ĭt kos kūti ovalx sīteven.

⁹ Nūrū su oti ūnĭmtum, ku? Ya kum magkū aremī kos mūtūvav?-?wokos; nagkū kĭk umagkū ugi woreve ra moor, ĭm ya kampe ra mevĭs; ĭm nagkū kĭmagkū woreve nūrū ra mevĭs ya kampe ra moor.

¹⁰ Im Lot yilasah mō mokesi nūrū sū nagkx ugi Yordan, ōvun sĭlnovanū sikat ra nūrū sū iyūi sugkū sī umampe devsego Sōar, sugkū denūok eni Iehōva, ĭm sugkū nūrū Ityĭpt; ra nĭmpugon mori Iehōva yetūtĭvavtĭti Sodom ĭm Komora.

¹¹ Im Lot yĭmtampoli nĭsekon iyi nūrū sū nomolsep ra Yordan; ĭm Lot yĭmavan devsego ūnurū miroran dūrū dūtūvafw‐ōra.

¹² Im Ebram yĭmetĭndōwi ra nūrū Kēnan ĭm Lot yĭmetĭndōwi ran tĭmne sū nagkx ugi Yordan, miyi yĭmetĭpe tent eni potipot Sodom.

¹³ Mōveteme Sodom dūti ōvetemĭndi mov nareki sat sū en tamas ūnĭpmi eni Iehōva.

¹⁴ Im Iehōva yenūwi pugi Ebram penūri Lot yetū?-?vafwi marugi memokū, Elasah, mokesi nūrū sū empak, mempatap,

¹⁵ ĭm nelekompeni; nūrū sū omwi sū mori kĭk umagesi, ya kampunok, ĭm pun ōra ov novsen enugkĭk ūvum nevi sū ĭndōwi.

¹⁶ Im ya onumpi ov novsen enugkĭk sugkū navivon nemap; nagkū sī oti faneteme woresepi navivon nemap, iyi asepi irora ov novsen enugkĭk.

¹⁷ Etūok, mamtĭn‐navan ra mumpon nūrū sū iyūi, ĭt ya kampunok sū mori.

¹⁸ Im Ebram yitasi tent eni moĭmpe woretĭndōwi ra nūrū Mamre ra Hebron; miyi yōmumpi yūi sī nefati iran Iehōva.