Reveleson 8 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im polsugkū yemtaipelah woresompat sukrim dūrūgiugi, yetepū ninparata ūnpokop botibot sugkū nivlugkon sai ra aūer saiteven.

² Im yaū mokesora ōvun nagelo seven mori ūmantūr ūnipmi Nōbū; ĭm dūmūvunora ōvuntavwi seven.

³ Im saimōmū nagelo yivelum ĭm yemetūr ra nakoren nefati, ĭm yivai ra nokoven sai nūrah kold; ĭm dūmūvugi ra mompon nūsian nempeneves, ma iyi ampai pe ĭm esiugi ra ōvun nesenug enirora ōvun tanepo omwisū ra nefate kold mori emante ūnipmi potnumpūtūō.

⁴ Im nempeneves yisah sugkū nugon nom marugi nokoven eni nagelo, ĭm ōvun resenug enirora ōvun tanepo sugkū ūnipmi eni Nōbū.

⁵ Im nagelo yivai ra nefate, ĭm yitafugi ra nemap: ĭm yemūri imosū yowar, ĭm ōvun navianda, ĭm torepis, ĭm nomiok.

⁶ Im ōvun nagelo seven mori dūmūvai ōvun tovwi seven mori dūmūtavesves woreli.

⁷ Im iyi mori mainpūm yemneli ĭm yemampip sugkū hēl ĭm nom, ĭm yetin sumpelūlye iranda ugi de, im dūmūtafugi irora ra nemap: ĭm nugkon nemap omwisū saiteven marugi nugkon desel yaaū, ĭm nugkon sai ra nugkon desel ōvun ne dūmetū, ĭm ōvun novlovsi telemte omwisū yaaū sugkū.

⁸ Im yemneli nagelo dūrūgi, ĭm sugkū sai numpūō horog yemetni ugi nom ĭm dūmūtafugi ran tok: ĭm yetin de nugkon tok saiteven ra nugkon desel,

⁹ ĭm nugkon saiteven ra nugkon desel ra irora ōvun nūrah ra mumpon tok, dūmas, iroromo ōvun nūrah nomūrep iranda; ĭm yemtavtiti nugkon saiteven ra nugkon desel iranda ōvuji lō.

¹⁰ Im nagelo deselugi yemneli, ĭm yemomol marugi pokop sai mosi horog, ĭm yemtūgon ra nugkon saiteven ra nugkon desel ra ōvun ūreva,

¹¹ ĭm iranda ōvun nū ĭtokeli ra ōvun nū; ĭm ūmnatovnin mosi mori wormwūd: ĭm nugkon saiteven ra nugkon omwisū desel ra ōvun nū yemetepū wormwūd; ĭm sikat ōveteme dūmas ugi ōvun nū mori popōwo dūmumpi irora nakan.

¹² Im nagelo devat yemneli ĭm dūmūtai nugkon desel ra, nipininen, ĭm nugkon saiteven ra nugkon desel ra itais, ĭm nugkon saiteven ra nugkon desel ra irora ōvun mosi; ma wonalebokevat sugkon saiteven ra nugkon desel ra irora, ma nilar otū selai ra nugkon saiteven, ra nugkon desel ra pūwakas, ĭm pūmrok sugkū.

¹³ Im yaū mokesi, ĭm morigi sai ūsokowavi, yemokep ileboteven ūneai, ĭm yemenūwi ugi navian horog, memokū, Owe, Owe, Owe, popōwo ugi irora mori ūmante ra nemap, popōwo ugi ōvun navianda isenda ōvun navianda mōmū eniora ōvun nagelo desel mori ūmante woneli.