Reveleson 18 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im ponūri imo sū tiame yaū mokesi sai mōmū nagelo yemyep marugi pokop, ĭm yivai nūsian horog narigi; ĭm yemnilara tamas nemap ugi nilasilasiwi isen.

² Im iyi yemenūwi, memokū, Umol Babelon nūsian mori umol, ĭm iyi nūrū nisekonda ōvun naviatindi, ĭm nimo nugkugko nisekonda ōvun naviat nililūwo omwisū, ĭm nimo nisekonda ōvun menūōk nililūwo ĭm nokosindi.

³ Popōwo ūmomol ōvun lō sū popōwo ugi naraki nipmi tampalaū isen; ĭm ōvun fan lō ra nemap dūmumpi tampalaū ūndū iyi, ĭm ōveteme sevasi dūmūvai nōēte tamas popōwo ugi tiame aremai sikat iyi yivasi tovun ora dan sū.

⁴ Im yaū morigi sai mōmū navian marugi pokop, yemenūwi memokū, Uvelum, lō sorūg, marugi iyi, ma kimi ūtū wante dal mūtū navovo dal ra ōvun sat sū isen,

⁵ ĭm ma ūtū wampelum irami sokomūlep ūr tamas isen popōwo sat sū isen yitelisah afeli ūnpokop ĭm Nōbū umneteme narekindi eni omwisū.

⁶ Uteampenum iran sugkū yemtalug, mōīm talugpugi nempugon devat sugkū nipmi ōvun numpūrak isen:

⁷ ra kup mori yemorokon ūyorokon nisekon nempugon dūrū. Im sugkū iyi yemumpi nilasilasiwi iran, ĭm yemsompele dan sū, ūvugi sugkū sokomulep tamas ĭm norigumpūnū; popōwo iyi ūmagkū ūnōwan, yaū sai nasemnalam horog, ĭm tawi yaū neviumpūwi,

⁸ ĭm ya otū agesi norigumpūnū, tawi. Popōwo pe ra dan saiteven wampelum ōvun nililiki tamas irand, nemas, ĭm norigumpūnū, ĭm temas; ĭm wonatni eveni iyi ugi nom;

⁹ popōwo iyi Narisah Nōbū horog mori yemūrian iran ugi ōvun numpūrak isen. Im ōvun fan lō ra nemap, mori dūmumpi tampalaū ūndū iyi ĭm dūmūsompele tamas dal iyi, wonakūr ĭm wontogageri popōwo ugi iyi, polsugkū wontopotnemi nūgon nom masekar isen,

¹⁰ ĭm irora wantur isūt popōwo ugi nemetet sokomulep, ĭm irora, wanūwi mu-magkū, Owe, owe, pah! Sĭti nūsian, Babelon, siti horog! Popōwo ra auor saiteven wokon narian enugkĭk okovelum iram.

¹¹ Im ōveteme sevesi ra nemap wonageri ĭm wonakūr popōwo ugi iyi, popōwo tawi sai neteme ampasi mōmū sai entie sai enirora indowi;

¹² ōvun nōēte enirora, kold, ĭm silver, ĭm nevat norōor, ĭm perl, ĭm nemas linen aremai, ĭm purpel, ĭm silk, ĭm navlar; ĭm ōvun nē nempen omwisū, ĭm ōvun vesel aivori, ĭm ōvun vesel omwisū, umnumpi ugi ōvun nē aremai wokon, ĭm ōvun vesel bras, ĭm ōvun vesel airon, ĭm ōvun vesel marbel;

¹³ ĭm sinamon, ĭm ōvun novsin topavū nempeneves, ĭm mur nempen aremai, ĭm oiel woresoveli ĭm sent, ĭm wain, ĭm oiel, ĭm flaūer aremai, ĭm whiit, ĭm katel, ĭm ōvun pugipugi; ĭm ōvun nōēte sugkū ōvun hors, ĭm ōvun kar woralo, ĭm ōveteme ūmuagelaū wokon: ĭm ōvun naviat isenda ōveteme.

¹⁴ Im ōvun novwan mori naviat enugkĭk yemelasivian ĭm tawi irora, ĭm ōvun tiame sū nūval ĭm dumpon aremai ĭm tawi sai nisekom marima, ĭm ōveteme ūtū agesora mōmū indowi.

¹⁵ Im ōveteme sevasi mori dūmūtipe nōēte, mori popōwo ugi iyi, wantūr isūt popōwo nemetet ugi nililiki isen, ĭm wonageri ugi norigumpūnū tamas; mōmenūwi mūingkū.

¹⁶ Owe, owe, ugi siti nūsian, yemevaiugi iyi ugi nemas linen aremai ĭm purpel ĭm navlar, ĭm nevat norōor ĭm perel!

¹⁷ kō ra aūor saiteven ima sū nūsian nōēte ivesaū. Im ōvun natemonok ra ōvun lō, ĭm irora sū ūmampe iyi ĭm iya ran tok ra lō, ĭm ĭm ōvun-torugat ra lō, ĭm irora sū mori ūmnumpūrak ran tok dūmūtūr isūt,

¹⁸ ĭm dūmasorsah pol sugkū dūmūtopotncnĭi ra nūgon nom ra nasakam isen, mūmūvūwi mumokū, Mē sai siti sugkū imo nūsian siti?

¹⁹ Im irora dūmūsevi numpūnda ugi navivon nemap, ĭm dūmasor mūmageri mfimorigumpūnū, mūmoku, Owe, owe, ugi siti nūsian, iye mori dūmūvai nōēte tamas, mori irora sū mori ĭm ōvun lō isenda rantok popōwo ugi noete nūsian isen! popōwo ra nempugon oūor saiteven yivevasū ōvun sie isen.

²⁰ Avos iran, kĭmi ōvun apostol, ĭm kĭmi ōvun profet; popōwo Nōbū yemūrian nurian enugkimi iran.

²¹ Im sai nagelo faneteme yivai sai nevat sugkū milston tamas, ĭm yitafugi ran tok, memenūwi memokū, Sugkū sū imo wontafugisep Babelon ugi nugkugko, mori siti nūsian, ĭm ūtū agesi iyi nempugon sai mōmū indowi.

²² Im ūtū wandigi mōmū indowi ra mumpon kĭk navianda ra harp kū irora mori ūmuntai ōvun narūfo ra ōvun sie kū irora umelimsi naūrugis kū irora ūmūntai trumpet, ūtū wagesora ōvun nelekon ra ōvun numpūrak omu-wisū, tawi indowi; ĭm ūtū wandigi navian milston mōmū indowi ra kĭk;

²³ ĭm ūtū selai nilarara sai lamp mōmū indowi ra mumpon kĭk; ĭm ūtū wan digi navianda nateman ĭm nasiven ra nempokelah nempugon sai mōmū ra kĭk; popōwo ōveteme sevasi enugkĭk dūmūte ōvun natemonok nōēte ra nemap; popōwo ugi sokowar dūmumpiriwokonda lō sū ra nemap.

²⁴ Im ra mumpon iyi dūmokesiwi de isenda ōvun profet ĭm ōveteme tanepo, ĭm de isenda omwisū mori dūmūtalokonda ra nemap.