Reveleson 16 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im yaū morigi sai navian horog marugi nimo tumpora mori, yemenūwi pun ora ōvun nagelo seven mori, memokū, Uve Kĭmi, wosiligi bēson seven mori ugi narakai eni Nōbū ra nemap.

² Im iyi nagelo saiugi mori yive, ĭm yem wosiligi bēson eni ra nemap; ĭm yetepū novli ūr iranda ōveteme safimori dūmūvai safi nūrah iranda, ĭm dūmūteveta ra safi dūmūteveta ra safi eni.

³ Im nagelo dūrūgi yemwosiligi bēson eni ran tok; ĭm yet: pū sugkū de eni neteme mas; ĭm dūmas irora sū ōvun nomūrep, omwisū mori siame dūm tite ran tok.

⁴ Im nagelo deselugi yemwosiligi bēson eni ra ōvun nintelep ĭm ra ōvun navūanda nū; ĭm yetepū de.

⁵ Im yaū morigi nagelo ra ōvun nū, yemenūwi memokū, Kĭk tanepo, mori kĭk emante ĭm kĭm mante, Kĭk Tumpora wokon;

⁶ irora dumwosiligi de isenda ōvun tanepoves ĭm ōvun profet, ĭm kĭm ōvun ora de woremoneki, ĭm kĭmūrian iranda ugi tanepo popōwo ugi numpūrak enirora.

⁷ Im yaū morigi sai ra nefate, yemenūwi memokū, Itnesog, Kĭk tanepo ĭm ōvun nūrian omvisū enugkĭk nogkoves indowi, Ah Novsūromon Nōbū, Tantevakepe.

⁸ Im nagelo devatugi yemwosiligi bēson isen ra nipminen; ĭm dūmūvugi horog woretni ōveteme ugi nom.

⁹ Im ōveteme dūmaū ugi nūsian nasūsah: ĭm irora dūmūtavuntan nam sat nūsian nin eni Nōbū mori horog iranda ōvun norigumpūnū nililiki ima sū mori; ĭm irora dūtūnūatumpeni numpūrak enirora worevugi iyi nilasilaswi.

¹⁰ Im nagelo sūkrimugi yemwosiligi bēson eni ra potnumpūtūwō eni nūrah; ĭm yelebokevat lō isen; ĭm irora dūmnalse nelūamenda enirora popōwo ugi nesorū tamas,

¹¹ ĭm irora dūmūtavūntan ra Nōbū ūnpokop popōwo ugi ōvun nesorū, ĭm ōvun novli enirora; ĭm irora dūtūrigisat ugi ōvun nagkaū enirora.

¹² Im nagelo sūkrim-mesekaiugi yemosiligi bēson isen ra nintelep, nintelep nūsian mori Yūfretes, ĭm yilaū nū iran mori, ma wonumpi selat nisekonda ōvun fan lō mori wamne ūnūr mampelum.

¹³ Im yaū mokos ora naviatindi nililūwo desel, dūmūvelum marugi nūgon drakon, mĭ marugi nūgon nūrah mori, ĭm marugi nūgon profet namlai, ĭm irora sugkū wevlah:

¹⁴ popōwo irora ōvun naviatindi ōvun natmas, ūmnumpi ōvun safi; mori ūmarnpe pun ora ōvun fanlō ra nemap omwisū, woresemsimokonda saiteven ra navakat ra dan nūsian eni Nōbū, Tantevakepe mori.

¹⁵ (Pah, ya ampelum sugkū neteme numprok. Nevaieves iyi mori um navlis, ĭm afinte nemas isen, kū entawi iyi onavan wokon, ĭm irora wagesi narumprum eni.)

¹⁶ Im irora dūmūsemsimokonda ra mumpon nūrū mori umatovnin ra nam Hibrū memagkū, Har-Maketton.

¹⁷ Im nagelo sūkrimdūrūgi yemwosiligi bēson isen ra nemetagi; ĭm sai navian horog yemne marugi tempel, marugi potnumpūtūwo, yemeni! wi, memokū, Isūma, umokompeli sū:

¹⁸ ĭm yetepū torepis ĭm navianda, ĭm yowar; ĭm sai nusian nomiok, horog wokon, tawi sai horog sugkū ra ōvun nempugon ōveteme dūmūte ra nemap, popōwo nomiok nūsian wokon mori.

¹⁹ Im yetevavi siti nūsian mori ra nilpon desel, ĭm dūmomol ōvun siti ra ōvun lō: ĭm Nōbū yementeme Babelon nūsian mori, ma iyi ampugi woromoneki kup wain ra narakai nūsian isen.

²⁰ Im dūmūvia ōvun ailand omwisū, ĭm dūtokosora ōvun numpūō.

²¹ Im yemne ūnpokop nūsian nebib iranda ōveteme sugkū nevat, numpo sugkū paūn wan hunder sai ĭm sai: ĭm ōveteme dūmūtavūntan namsat iran Nōbū popōwo ugi nebib nevat nugkugko mori; popōwo nililiki tamas iranda ugi pe.