Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Reveleson 10 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

1 Im yaū mokesi sai nōmū nagelo horog yemyep marugi pokop, yemevai iyi ugi nakūp; ĭm yivaiugi nunipūn ugi nūmitar, ĭm nipmi eni yeti sugkū nipminen, ĭm nowon sugktū ōvun netūrtūr nom; ĭm yivai ra nokoven sai netaiyi virok selevlevi:

2 ĭm yiwai tok ugi nowon mevis, ĭm nemap ugi nowon mor;

3 ĭm yemasor ugi nevian sah, sugkū laion umnasor: ĭm pol sugkū yemasor ōvun yowar seven dūmasor.

4 Im pol sugkū yowar seven dūmdsor, yaū mokū ya onetaiyi: ĭm yaū morigi sai navian marugi pokop yemenūwi mcnmkū, Sompat tiame mori yowar seven dūmūnūwi, ĭm etū etaiyi irora.

5 Im nagelo mori yaū mokesi yemetūr ran tok ĭm ra nemap yempaisah nokoven pugi pokop,

6 ĭm yemenūwi nam ūnam ugi iyi mori emamūrep indowi indowi, iyi mori yemumpi pokop ĭm tiame ra mumpon, ĭm nemap ĭm tiame ra mumpon, ĭm tok ĭm tiame ūnisog, memagkū otū anti nempugon sai mōmū:

7 kō ran dan sū ra navian eni nagelo sūkrim dūrigi ugi, pol sugkū emagkū iyi oneli, ima nempugon onekompeli tiame mori Nōbū yemetiumpeni, sugkū nam navosavos mori yemsūli pun ora ōvun profet ōvun levsaū isen.

8 Im navian mori yaū morigi marugi pokop, yaū momorigi yemenūwi poyaū, memokū, Eve, pai netaiyi mori umeselevlevi ra nokoven eni nagelo mori emantūr ra nemap ĭm ran tok.

9 Im ya okeve pugi nagelo, memenūwi pugi magkū iyi ampoyau netaiyi virok mori. Miyi yemenūwi poyaū, mokū, Vaipe, ĭm eni omwisū, ĭm iyi onumpi netnom nakan, kō ra nūgom kandigi aremai wokon sugkū huni.

10 Im yaū mpai netaiyi virok marugi nokoven eni nagelo, ĭm moni omwisū: ĭm yeti ūnugūg aremai wokon sugkū huni: kō nagku yaū meni sū, yemumpi nakan ūnetnig.

11 Im dūmūnūwi poyaū, memokū, Kĭk anūwi mōmū nam eni Nōbū punora netevokontu sikat ĭm pun ora ōvun lō tamas im ra ōvun nam ĭm punora ōvun fan lō sikat.

Erromangan New Testament © British and Foreign Bible Society, 1909,1979.

Bible Society of the South Pacific
ကြှနျုပျတို့နောကျလိုကျပါ:



ကြော်ငြာတွေ