Ovun Apostol 23 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im Pol yemtopotneme ōveteme naūr memenūwi memokū, Oveteme ravūgsĭeme yaū melevsaū iran Nōbū ugi itnesog ūnowag mefeli nempugon marima.

² Im Ananīas potni sokowar yempasiwokonda mori dūmūtūrū ra nokorin isen worateki nugon isen.

³ Im Pol yemenūwi memokū, Nōbū ontak moril wa otin nesovoli nesebo; kĭk umantesep worūrian irag ugi nam alam mempasiwokonda worateki yaū mem nareki nam alam kū?

⁴ Mirora mori dūmūtūrū potipot dūmūnūwi mūmokū, kĭk emanūwi sat pugi potni sokowar eni Nōbū kū?

⁵ Im Pol yemenūwi memokū, Ravūgsīeme, yatū kili iyi potni sokowar; ĭt yemetiyi memenūwi memokū, Kotū anūwi nam sat iran Narisah isenda netevokontū sorum.

⁶ Im Pol yemokili ma nugkon ra irora ōvun Sadūsi, ĭm polsugkū nugkon ōvun Faresi iyi yemtorenūwi ūniminda ōveteme naūr memokū, Oveteme, ravūgsĭeme, yaū neteme Faresi, ĭm nitni eni neteme Faresi; popōwo ugi tametemetugi ĭm nivsorasah marugi nemas ūmnūrian irag.

⁷ Im pol sugkū iyi yemenūwi imo, ōvun Faresi movun Saddūsi dūmūsepen nōūrora; mo metin sumpūora semsimak.

⁸ Popōwo ovun Sadusi ūmanūwi mūmagkū tawi nevsorasah marugi nemas, tawi nagelo tawi naviat; Kō ōvun Faresi ūmanūwi mūmagkū umante dūrū sū,

⁹ Dūmūtepū nesesaū tamas, movun Somūl ra ōvun Faresi dūmūtūok, mūmūnūwi ūnugūnda mūmokū, ka kĭm letūm lagesi sī sat ra imo neteme; kū nagkū sī naviat yenūwi pugi, kū sī nagelo aremī kos keletūm len navokat iran Nōbū.

¹⁰ Yimtelesah neseaū tamas, iyi Hĭliark yemtetugi irora wokintevi Pol, miyi yem teliel ora telienlō worivep, mū mūvī iyi parokonda, mō mūtori ūnisog nimo horog.

¹¹ Im pūmrok penūri Novsūromon yemetūrū ra nokorin isen memenūwi memokū Avosūwi Pol kĭm umpūvsok siamesū ugi yaū ra Yerūsalem, umante tovunok worumpūvsak ugi yaū ra Rōm sugkū.

¹² Im pol sugkū yumti dan nugkon ōveteme Isrēel dūmūsepen semsimokonda mū waveki ugi Pol, mūmūnūwi nam ugi navoret tamas iranda, mūmūnūwi mūmokū ūtū oni ūtū amoneki, mafeli nempugon, irora wontalugi Pol.

¹³ Mirora mori dūmūnūwi punora irora imo nam unam worumpi sugkū mōmū ra forte ōveteme.

¹⁴ Mirora dūmūvelum pun ora ōvun potni sokowar mōveteme talam, mūmūnūwi mūmokū, Ka kelenūwi nam ugi navoret tamas iramam ĭm lokū ka keletū oni ka keletū amoneki sī se sī mafeli nempugon ka ke lintalugi Pol;

¹⁵ Popōwo imo sugkū, kĭmi mōveteme naūr ūnūwi nam pugi Hĭliark mokū iyi ontori iyi mran pugkūm, sugkū nagkū kūmakīugi woromen tagkeli mōmū ugi iyi, ĭm pol sugkū iyi amprok umpotipot ka ke lesntalugi iyi.

¹⁶ Kō iyi netni eni vivin eni Pol yemorigi nam ugi senteri, mempe ūnisog nimo horog mo menūwi pugi Pol.

¹⁷ Im Pol yemovrugi sī sentūrion, mo menūwi memokū, Tori imo neviarep pugi Hiliark ĭt iyi umagkū worenūwi sī nam pugi.

¹⁸ Miyi yivi ĭm tori pugi Hĭliark, memenūwi memokū, Pol neteme nēeti yemovrokoyaū, me mesenigi yaū woreori pugkĭk imo neviarep, iyi umagkū worenūwi sī nam pugkĭk.

¹⁹ Hĭliark Kuvnur yemelekavi nokoven isen memtori ra silivok, memtagkeli memokū, sie kĭk emagkū worenūwi po yaū?

²⁰ Miyi yemenūwi memokū, Oveteme Isrēel dūmūsepen enūwi nam pun ora irora mūmokū woresenug kĭk woretori sep Pol mran pun ora ra naūor sugkū nagkū irora dūmakīugi woromentagkeli mōmū ugi.

²¹ Popōwo imo sugkū, etūumpi sugkū popōwo mōmū ra forte ōveteme Asepen enūwi nam ugi navoret tamas iranda, tawi woreni nevag kū woremoneki mafeli nempugon irora wontalugi iyi; ūmuntevetwi nam neevūos nam sorum.

²² Miyi Hĭliark yemtenimpe neviarep mori, meni walivat ūnowan memokū iyi otū anūwi pugi sī ma iyi yemesesi imosū pugi.

²³ Miyi yemovrokonda dūrū sentūrion memenūwi memokū, Uteveseves ōvun telienlō tū hunder woreve mafeli ra Sesaria, mōveteme woresuki tan hors seventi, mōveteme ugi saū tū hunder, ra nugkon pūmrok ilevoteven deselugi.

²⁴ Utaveseves ov nūrah woretipe Pol ran tan, ma sugkū wontori aremī pugi Filĭks kuvnur.

²⁵ Miyi yemetiyi nam memokū:

²⁶ Klodius Lĭsias pugi Filĭks kuvnur, numposeti kĭk e paū.

²⁷ Neteme mori, ōveteme Isrēel dūmūrūleki, mūmokū wontalugi, ĭm ya okovelum dal ōvun telienlō, worsukilikiliwi iran, popōwo yaū morĭgi ma iyi neteme Rōom.

²⁸ Im yaū mokū ya agkili irasie irora dūmūvievri iyi, ya ĭm tori ra nxor isenda:

²⁹ Memokili dūmūvievri popōwo ugi ōvun nam alam isenda, yetū umpi sī se sī woretampnigi iran ugi nemas kū nēeti.

³⁰ Im nempugon yemenūwi po yaū ma irora dūmūsenteri neteme mori, marimago ya okotamūli pugkĭk, mō manūwi pun ora mori omontesūwī iran worenūwi ūnimtum sie irora dokesi iran (isūma). Kĭk e paū.

³¹ Mōvun telienlō dūmumpi sugkū yempasiwokonda dūmūvī Pol mū mūtori pūmrok mafeli ra Antipatris.

³² Im rat mran dūmūwi ōveteme dūmūsuki tan hors woreve dal iyi, mūmūtorileki ra nimo horog

³³ Mirora dūmūvelum ra Sesaria mūmūvugi kuvnur netiyi, mūmōtipe Pol ūnĭpmi isen.

³⁴ Miyi yemesepi netiyi, memtagkeli iyi memokū, kin eteme ia? Memokili yemne ra Silisia memenūwi memokū,

³⁵ Ya kandug kĭk nempugon ōveteme mori dūmūvreyorok wampelum. Miyi yemenūwi memokū irora wafinte iyi ra mumpon nimo horog isen Herod.