Ovun Apostol 2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im nimpugon umampwara yivelum sū dan sū Fĭfti irora sū dūmūte ugi tarū siteven im nūrū siteven.

² Im tĭntūm yemne ra pokōp itnum sugkū narioven nimetagi nusian memovūara ra nimo omwisū yūi irora dū mūtesepwi.

³ Dūmūtūratumpeni pun ora mafīekondugi ov nilwamen sugkū nom; mūmūve iranda sū.

⁴ Dūmūvūara omwisū ugi Naviat Tumpora mirora dūmati potni worenūwi ugi ōvun navianda lōsū sugkū Naviat Tumpora yemovun ora nam.

⁵ Dūmūte ra Ierūsalem ōveteme Isrēel, mori ōveteme nufwaki, irora dūmne ra lōsū nūrūsū nūrūsū.

⁶ Im nempugon yemtĭntūm ōveteme mori dūmūsemsimokonda movkerĭtwi popowo dūmūrigora, dūmūnūwi ugi ōvun navianda sū isenda.

⁷ Im omwisū dūmūtevrevūi memavlugi tamas dūmūsepen tagkilora mūmokū, irora sū mori ūmanūwi ōveteme Kalili kū?

⁸ Im nokowo kos kim landigi ōvun nam sū soret sugkū kos ĭm lumprokomol ugi?

⁹ Oveteme Parsia, ōveteme Midia, ōveteme Ilam mōveteme mori dūmne ra Mesopotemia ĭm Yūdia ĭm Kapadosia ĭm Pontus ĭm Asia,

¹⁰ Fritia ĭm Pamfilia, Ityipt, ĭm nūrū sū ra Libia ĭm teliugi ra nokorin Sĭrenia, mōvun domo mori dūmne Rōm mori ōveteme Isrēel,

¹¹ novun nūrie isenda, Mōveteme Krite mōveteme Arebia, kos kim landig ora ūmanūwi ra ōvun nam soret memagkū ugi ōv numprūah horog isen Nōbū.

¹² Im omwisū mūtevrevūi mū tavrivri mūmūsepen nenūwi pun ora mūmokū, Sie imō?

¹³ Ko nugkoneme dūmūtofop ugi mūmūnūwi mūmokū, Irora ūmampwaraugi win ĭtevaū.

¹⁴ Ko Piter yimtūok dal irora Eleven memtorenūwisah punora memokū, Oveteme Yūdia ĭm kĭmi sū kūmantindowi ra Yerūsalem, ukili mūrigi nam sorūg.

¹⁵ Iroramo ūtūm naūeterimlū sugkū kĭmi kūnūwi popōwo prūvokom wokon;

¹⁶ Kō imo mori Yōel profet yemenūwi memokū,

¹⁷ Nōbū ūmanūwi memagkū, ran dan sū nisah ya onavūi lōsū lōsū ugi Naviat sorūg iranda. Mōvunitnime soremi ĭtoyateman mitovasiven wanūwi nam ugi Naviat Tumpora Neviarip soremi wagesi ōv nelasivrevora, mōveteme talam wameviak ugi ōvun nemiviak:

¹⁸ Im ran dan sū mori ya onavūora ōvun livsaū sorūg ĭtovateman mitovasiven ugi Naviat Tumpora; mirora wanūwi nam ugi Naviat mori:

¹⁹ Im ya osesi ovun okesinepūp unpokop mūnemap, de, im nom, im ūhaoap ra nūgōnom:

²⁰ Im nĭpminen osumpoli malevokevat, Mitis ante de, Pol sugkū dan horog dan ra nūsian isen Novsūromon otū velum.

²¹ Ko iyi sī amperugi nin isen Novsūromon ampiēyōwara iyi.

²² Oveteme Isrēel, Urigi imō nam: Iesū neteme Nasaret mori Nōbū yimetipe ūnimetemi ugi ov numpūrak horog mōvnavlugi mōvun saū mori. Nōbū yemumpi ugi iyi ĭm kimi kū magkili ugi;

²³ Iyi mori kimi kūvi Nōbū yemtenimpe pugkūtn ugi nesepen tarū mugi nesepen nokili isen, kĭm niūtalugi iyi ra nē ūmparum ugi nokovenda ovnumpĭndi:

²⁴ Mori Nōbū yoĭmtori sah memsūli worĭt ugi nemas iran; popowo tawi faneteme worurūleki iyi.

²⁵ It iyi Dēvid yemenūwi ugi iyi memokū, Ya umantipe Novsūromon ūnimtūg ĭndowi, It iyi ra nokoven mevis sorūg ma ya otū amtetugi:

²⁶ Popōwo imo sugkū ya umnavos ugi navos memnarūfo, Im nokolĭsirag ante lap im mentemetmetugi.

²⁷ Popōwo kĭk otū awi naviat sorūg ra Hēdes, kĭk otū ampugi Iyi Tumpora sorum worokesi avatar:

²⁸ Kĭmsesi poyaū worurokili ugi ōvun selat nomūrep; Kĭk onumpi yau woravosavos ugi nokesok ves.

²⁹ Oveteme, ĭm ravūgsīeme, aremī ya anūwi nam pug kūm magkū ugi Dēvid potni ĭtement, iyi yimas dūmūtinemi, ĭm vileteneme isen ra nūrū soret mafeli marima.

³⁰ Popōwo imo sugkū, imo popōwo iyi sī profet, iyi yimokili ma Nōbū yemenūwi nam ūnam pugi memokū Iyi Krĭstō amne ra iyi marugi fan isen mentori Iyi, woretesep ra potnumpūtūwo isen;

³¹ ĭm popowo iyi yepmokili imo iyi yemenūwi memokū, Krĭstō, Iyi otūawi naviat isen ra Hēdes ĭm nokolĭsĭran otūavatar.

³² Iesū mori Nōbū yemtorisah marugi nemas, ĭm kos sū ōvun numpūvsok ugi imō.

³³ Popowo imō sugkū yometipe sah iyi ra nokoven mevis eni Nōbū Iyi yivi nievūos isen Itemen mori Naviat Tumpora miyi ovugisū imo mori kūmagesi mūmandigi.

³⁴ It iyi Dēvid yetūve ūnpokop; kō iyi yimenūwi memokū, Iehōva yimenūwi pugi Novsūromon sorug, memokū Etesep ra nokoren mevis sorug,

³⁵ Mafeli nempugon mori ya antipe ōv novsin nakan sorum ra mumpon nowom.

³⁶ Popōwo imo itnesog kimi ōveteme sū Isrēel ukili irao mūtūtavrivri ugi, Iyi Iesū mori kĭmi kūtalugi ra nē ūmparum Nōbū otipe iyi Novsūromon ĭm Krĭstō.

³⁷ Im pol sugkū irora dūmurĭgi imo irora dūmūrĭgi nesorū ūnōwanda tamas wokon mo mūtagkeli Piter mōvun Apostol mūmokū, rapmamsīeme, sie kak lenumpi?

³⁸ Im Piter yemenūwi punora memokū, Uvieves nōwami, mūvĭ baptisma irami, kĭmi sū ra nin eni Iesū Krĭstō, worefielentugi sat sū soremi; ĭm kĭmi kwampi itemas isen Naviat Tumpora.

³⁹ Popōwo nievūos pugkūm mōv nitnime soremi ĭm punora sū isūt, mori Novsūrom n, Nōbū soret amperokonda.

⁴⁰ Miyi yemumpūvsok memenūavsokonda ugi nam sikat mōmū memokū, ūvĭ nēyōwara marugi imō palsi sat.

⁴¹ Mirora mori dūmurĭgi nam isen ugi navos dūmūvi baptiso iranda: ĭm ran dan mori dūmūsepi dal irora sugkū tri taūsan ōveteme.

⁴² Mirora dūmatikesah ugi nam tavsogi isenda ōvun apostol mūmūtavsemokonda ugi norusevi yōūp mugi nufwaki.

⁴³ Im nemtetugi yivelum iranda sū: mōvun apostol dūmumpi ōv numpūvsok horog mōvun navlugi sikat.

⁴⁴ Im omwisū mori dūmūtavnirigi dūmū semsimokonda ra

⁴⁵ nūrū siteven mūmūtipe siamesū isenda siteven; Mirora dūmandūevasi ōvun nūrū mōvun netevote isenda mūtūvūrak wokonda sugkū ugi norumkor isenda.

⁴⁶ Mirora dūmante ra tempel ugi tarū siteven mūmandūsevi yōūp ra ōvun nimo isenda, mirora dūmneni nevag isenda ugi navōs ĭm nelugelugi ves ūnōwanda,

⁴⁷ mumnarūfo ves numplin Nōbū mōveteme sū dūmokesi ves iranda. Im dan sū Iehōva yemetipe irora mori yemumkorēyōwara ra nĭlepon sī lo tumpora.