Ovun Apostol 18 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Penuri imo sū Pol yemowi Atens mempe ra Korint,

² Me mokesi sī neteme Isrēel nin isen Akwila yeumprokomol ra Pontus, miyi yemumprokovelum yimne ra Itali ūndū (retepon) Prisila, popōwo Klodius yemsatevokonda ōveteme Isrēel omwisū marugi Rōm.

³ Im popōwo irora dūmandūnumpi nafiugi siteven Pol yemetindōwi dal irora, ĭt irora dūmūteri ōvun tent.

⁴ Miyi yemenūasūmperi nam ūnisog ōvun nimo tavsogi ran danemindog sū memenūafsokonda ōveteme Isrēel mōveteme Krik.

⁵ Im pol sugkū Sīlas ĭm Timōte dumūvelum dūmne ra Masedonia Pol yemumnilasivrovor ūnisog naviat eni munumpūvsok pun ora ōveteme Isrēel, memokū Iesū Iyi Krĭstō.

⁶ Im pol sugkū irora dūmūramtugi iyiiyi mūmūsendoekia iyi yimugkerigkeri nemas isen menūwi pun ora memokū, novulokugu de soremi yaū sĭntevives; ya kampe marima pun ora ovun nĭlebōkevat.

⁷ Miyi yemowi nūrū yūi memtorimpe ra nimo isen sī neteme nin isen Yustus, iyi yemofwaki iran Nōbū, nimo isen ra nokorin nimo tumpora.

⁸ Im Krĭspus mori yemafinte nimo tumpora, yemtavnirĭgi iran Novsūromon mirora, sū ra mumpon nimo isen; ĭm sikat ōveteme Korint dūmūrigi nam mu tavnirigi mūvi baptisma iranda.

⁹ Novsuromon vemenūwi pugi Pol ra nilasivrovora ra pumrok memokū. Etumtetugi. Enūwi nam; metūteteven.

¹⁰ Popōwo yaū ūndū kĭk, ĭm tawi sī ampīese sat kĭk; popōwo netevokontū temas enyaū ra imo sĭti.

¹¹ Miyi yemetindōwi yūi sī nevi mitis siklĭm memtavsokonda nam isen Nōbū.

¹² Kalio natemonok Rōm ra Akia ōveteme Irēel ugi tarū sīteven dūmalo iran Pol, mūmūtori ra potnompūtūwo nurian, Mūmūnūwi mūmokū.

¹³ Imo neteme umanūa sokonda ōveteme woretevĭta iran Nōbū nam alam um anūali ugi.

¹⁴ Im pol sugkū Pol yemokū worenūwi nam, Kalio yemenūwi pun ora ōveteme Isrēel, memokū, Kĭmi ōveteme Isrēel, Nagku sī sīsesī ugi neforugi kū numpi sat peti sugkū tanepo ma ya andĭgi sū ugi;

¹⁵ Kō nagku ugi ōvun nam kū ōvun nin, kū ōvun alam soremi ipe kūm ĭt ya kotum makīugi woreti natemonok mūrian ugi imosū.

¹⁶ Miyi yemsatevokonda marugi pot numpūtūwo nūrian.

¹⁷ Kō ōveteme sū Krik dūmūlekavi Sosene nivūwo ra nusian ra nimo tavsogi mūmūtipe torĭs iran ra nokorin potnumpūtūwo nurian. Im Kalio yemtaseviowi.

¹⁸ Im Pol yemete yūi, penūri iyi yempasiwokonda ravensieme mō ĭmpe ra lō ra Siria, Prisila ĭm Akwila dal iyi; miyi yemovo numpūn eni ra Kegkria, ĭt iyi yepmenūwi sī nam unam.

¹⁹ Miyi yive ra Efesus momowi irora yūi; kō iyi yemintorimpe ra nimo tavosgi, memenūasūmperi nam pun ora ōveteme Isrēel.

²⁰ Im pol sugkū irora dūmakīugi iyi wororokote lap dal irora, iyi yetūmokū sugkū.

²¹ Iyi yempasiwokonda memenūwi memokū, Otipe irag worefinte narigari mori umampelum ra Yerūsalem; kō ya ko mampelum pug kūm, nagku Nōbū magkū aremi sugkū. Miyi yemowi Efesus ra sī lō.

²² Im pol sugkū yemsenti ikeri Sesaria, iyi yisah me mempasiwokonda semsimak, mo myep ra Antiok.

²³ Miyi yemotewi yūi mōĭmpe, memnavan ra nūrū sū Kalasia ĭm Frukia ra natora memupi ōvnūrie omwisū worenug.

²⁴ Im sī neteme Isrēel nin isen Apolos, mori yemumprokomol ra Aleksandria, neteme tasūmperi nam, yeti tumpora manūatokili yivelum ra Efesus.

²⁵ Miyi horog ugi ōvun yetiyi tumpora yetintavsogi ugi selat eni Novsūromon; miyi yemokili wokon ugi baptisma eni Yōane.

²⁶ Miyi yematipotni wortesūwi nam ra mumpon nimo tavsogi metū emtetokonda; ĭm Akwila ĭm Prisila dūmūrigi ugi iyi mūmūton iyi, mūmūsesi pugi aremī mōmū selat eni Nōbū.

²⁷ Miyi yemokū iyi ampe ra nūrū Akīa ĭm ravinsīeme dūmūtīyi nam pun ora ōvnūri mūmūnūwi mokū wampī iyi; ĭm pol sugkū yivelūm yemaverora tamas mori dūmūtavnirĭgi popōwo ugi togesoveli.

²⁸ It iyi yemūran tantevake sah iranda ōveteme Isrēel ūniminda ov netevokontū memesesi pun ora ugi nam ra mumpon ōvun netiyi tumpora, ma Iesū Iyi Krĭsto.