I. Teselonia 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Pol ĭm Silvanus, ĭm Timote, punora nilponsilō Tesalonia ra Nōbū Itemen ĭm Iesū Kristo Novsuromon: Itemas paū ĭm ninparata pugkum.

² Ka kim lumpalugi pugi Nōbū indowi nisekomi omwisū, manūwi kĭmi ra nufwaki enugkam;

³ metūmawi worenteme numpurak tavniri enugkĭmi ĭm torugat nelintugi ĭm nemolsep ratevetūi ra Iesū Krĭsto Novsūromon, ūnĭpmi Nōbū Itement;

⁴ popōwo ka kĭm lagkili ravūgsīeme pau eni Nōbū,

⁵ yemtampoli kĭmi, ĭm popōwo nam navosavos enugkam yetūvelum pugkum ugi nam wokon, kō sugkū ugi horog, ĭm ra Naviat Tumpora, ĭm ugi tavniri horog; ĭt kĭmi kūmagkili netevani ĭm numpurak enugkam pugkum mūnemetemi.

⁶ Im kĭmi kūmūri safi enugkam, ĭm isen Novsūromon, popōwo kūmūvī nam ra norĭgumpūnū tamas, kō ugi navos ra Naviat Tumpora;

⁷ ĭm popōwo pe sugkū kūmūte safi aremī nisekonda ōvun tavniri omwisū Masedonea ĭm Akia,

⁸ Popowo dūmūrĭgi ugi nam eni Novsūromon irami tawi ra Masedonea ĭm Akia wokon, kō ra nūrū sū dūmūrĭgi narigi ra tavniri enugkimi pugi Nōbū; ĭm popōwo pe sie mōmū ka kel anūwi.

⁹ Popōwo irora pe irora ūmanūwi ugi nivelum enugkam pugkūm; ĭm nokowo kĭmi kūmūtorileki pugi Nōbū marugi ōvun natemas, woretorugat iran Nōbū nomurep ĭm tanepo,

¹⁰ ĭm woretevetūi Netni isen marugi pokop, mori yemevsorasah marugi nemas, mori Iesū, mori vemumkoseyowara irant marugi naraki ampelum.