Hibru 11 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Tavniri oti fan ugi siame mori umentevetūwi makīugi, numpūvsok ugi siame otum magesi.

² Im popōwo ugi tavniri enirora raventeveneme dūmūvi narĭgi aremī.

³ Ugi tavniri kos kemlagkili, memagkū, ōvun nemap omwisū yemetepū ugi nam eni Nōbū, ĭm popōwo pe siame umagesi dūtū umpi irora marokonda siame umantepū ūnimint.

⁴ Ugi tavniri Ebel yemumpi sakrefis pugi Nōbū mōmū aremī ra Kēn, ĭm popōwo ugi imo yevi numpūvsok iran ma iyi yeti tanepo, ĭt Nōbū yemumpūvsok iran popōwo ugn ōvun ĭtemas isen; yimas kō iyi sugkū ūmnam ĭndowi ugi ima pe.

⁵ Ugi tavniri yetin nevīsah Inok ma iyi otū agesi nemas: im dūtokesi iyi, popōwo Nōbū yivīsah iyi; ĭm polekū yetū vīsah lap iyi yivi imo numpūvsok nisekon memagkū, Nōbū yemokesives iran:

⁶ ĭm nagku tawi tavniri ĭt oti nugkugko woreti aremī ūnipmi isen; popōwo iyi mori umagkū worevelum pugi Nōbū umante iran wontavnirigi ma iyi umante, ĭm ma iyi ontampenum iranda mori umesorugi iyi.

⁷ Ugi tavniri Noa, mori Nōbū yemeviwos pugi ugi siame dūtokesi lap, yemorigi ugi tavnirives ĭm nemitugives ūnōwan, memumpi lō woresempempari iranda ōveteme eniwe mugi imo netūvarū isen yemtavsokonda memūrian iranda ōveteme ra nemap, momevi nisekon imo narigi aremī memagkū, ĭt tanepo netevarū enirora ōveteme ugi tavnirigi enirora.

⁸ Ugi tavniri Ebraham, pol sugkū yemovokiugi, yemtavnirigi woreve ra sī nūrū mori nisekon iyi worevī ugi tampenum; miyi yive mori, metukili yivea mori.

⁹ Ugi tavniri yemavanavan ra ūnūrū mori dūpmūnūwi ugi, sugkū ra nūrū tawi isen, miyi yemokokote ra mumpon ūvrok, dal Isak ĭm Yekob, mori ōvun tampenum ūndū iyi ugi nam niyeviwos mori sīteven;

¹⁰ popōwo yemtevetūwi siti mori yetin okolugives ūnam, mori Nōbū yem safi memumpi.

¹¹ Ugi tavniri iyi Sēra yivi faneteme worevī nitui pol sugkū iyi numpūmtūō, popōwo yemokū iyi tanepo mori yepmenūwi;

¹² ĭm popōwo pe sugkū dūmne marugi neteme sīteven, miyi yeti sugkū neteme mas ōveteme sikat, tamas wokon sugkū ōvun mosi ra pokop, ĭm sugkū narevin ran telugon tok, nugkugko wosepi.

¹³ Dūmas iroromo ra tavniri enirora, ĭm irora dūtūvī siame dūpmūnūwi ugi, kō irora dūmokesora ĭm dūmem pasi wokonda isūt ugi, ĭm irora dūmūnūatumpene ma irora sugkū ōvun ĭrora ra nemap ĭm tawi note enirora.

¹⁴ Popōwo irora mori umanūwi sugkū imosū ūmempūvsok aremi memagkū irora umesorugi nūrū aremī nisekonda.

¹⁵ Im ĭtnesog nagkū irora dūmūtarūves nūrū mori irora dūmne marugi pūpmūte nempugon nisekonda worolorilek iran.

¹⁶ Kō marimo irora umesorugi sī nūrū mōmū aremī, mori pe, ūnpokop: ĭm popōwo pe Nōbū tawi narumprum ugi irora, woratovnin iyi memokū Nōbū isenda; popōwo iyi yemtavesves sī siti nisekonda.

¹⁷ Ugi tavniri Ebraham, polekū yitin tapmi iyi, yemsakrefīsugi Isak; ĭtnesog, iyi mori yemavmi ugi ōvun nam mori dūpmūnūwi yemtinĭmpe worete sakrefīs nitni sīteven wokon eni;

¹⁸ iyi mori pe dūmūnūwi pugi, memokū, Amne ra Isak novsin sorum: yemtarū, memokū,

¹⁹ ma Nōbū faneteme wore vietūōk iyi marugi nemas;

²⁰ miyi yōmpī iyi isen sugkū nam nagkaūintan. Ugi tavniri Isak yemevīeves Yekob im Iso, ugi siame ampelum.

²¹ Ugi tavniri Yekob polekū yemumprok nemas, yivīeves ōvun nitni endūrū eni Yosep; yemsesūwi ra woresentūr isen ememtevita.

²² Ugi tavniri Yosep, pel sugkū yem botibot nemas isen yemenūwi ugi navan isenda ōveteme Isrēel; miyi yempasewugi ubi noiran iyi.

²³ Ugi tavniri itemen ĭm dineme Moses, polsugkū yemumprokomol, dūmatiumpene iyi itis endesel, popōwo irora dūmokesi nalaū iyalepe aremī; miror dūtūmtetugi nam alam enitnatemanok.

²⁴ Ugi tavniri Moses, peleku yemalam, yimrū ma wonatovnin iyi, magkū nitni eni nitni itnasiven eni Fēro:

²⁵ yemokū, mōmū aremī worevi umnīgumpūnū dal ōveteme eni Nōbū, kō tawi aremi worevī waravos lapwi ra nilasivian sat:

²⁶ yemokū mōmū aremī norumprom ugi Krĭsto ra ōvun nōēte ra nūrū Ityep: popōwo yemtarū ugi tampenum nipmi anemī.

²⁷ Ugi tavniri yemuowi Ityep, yetūmtetugi naraki eni natemonily; popōwo yemete ūnam sugkū yemokisi iyi, mori tūmagesi.

²⁸ Ugi tavniri yemefinte narigari, ĭm vivi ugi ra nde mori, ma iyi mori yemtalokonda ōvalalaū ĭt nateman ĭtnetemefi otū outar.

²⁹ Ugi tavniri ōveteme Isrēel dūmutantevi tok Navilar sugkū nūrū laū: mori polekū lō Ityep dūmūtapmi worumpi sugkū dūmumkon.

³⁰ Ugi tavniri polsugkū yetūmas dal irora mori dūtūtatavnirigi,

³¹ popōwo yivi ugi ninparata ōveteme ndūrū mori dūmūve worokesiwe nūrū.

³² Im ya anūwi sie mōmū; popōwo umbotibot nempugon nisekug worenūwi uvi Kideon, ĭm Bērak ĭm Samson, ĭm Yefsta, ĭm Dēvid, ĭm Samūel, ĭm ōvun profet;

³³ Iroromo ugi tavniri dūmūtantevakepe iranda ōvun lō pelah, dūmūmpi tanepo, dūmūvi siame dūpmūnūwi ugi,

³⁴ dūmūsompat nugon ōvun līon, muntampene nom horog, dūmūlēevi naūitaūga, yivea netromora enirora ĭm irora dūmūtepū ōvun faneteme, dēmēte domo ra ūvrame, dūmūtelesora mori ōvun domo.

³⁵ Ovasiven dūmūvī ovunyan isenda yetin nivsorasah irora marugi nemas; dūmūtalokonda nuganuom, dūmokū worevasi irora marugi nemas kō ĭrora dutūakīūgi;

³⁶ ma irora wamsorasah ōvun aremī; dū mūsebetnam iranda nugkon ra irora ĭm dūmūselitevora,

³⁷ ĭm dūmēītora mūtipi irora ra nimo nugkugko dūmūtevora ugi nevat, dūmūtavlugi nokolisiranda ugi soo, dūmū tapmi irora dūmūtalokonda ugi naūitūga; dūmavanavan ra nūrū wokon ĭm dūmūvīugi nokolistan ōvun pugipugi mōvun nani; ĭmirora dūmūte ōvun norumkora dūmageri, ĭm dūmūvīndi iranda,

³⁸ ĭm ōveteme ra nemap dūtū aremima irora wante mante dal irora, ĭm irora dūmorūn navan ūntompoi ĭm ra ōvun numpūō ĭm ra ōvun veli, ĭm ra numpon ōvun nokol ra nemap.

³⁹ Im irora sū mori, dūmūvi numpūvsok iranda, memokū, irora dūmūte ōveteme aremī popōwo ugi tavnirigi enorara; kō irora dūtūvī siame dūmunūwi ugi,

⁴⁰ popōwo Nōbū yemetipe sī sie sī tamas aremī nisekont, memagkū, irora wante aremī ĭndowi sīteven dalekos.