Salmos 54 - Biblia Enxet

Nélmaxnagko néltémo hempasmok Dios

¹ ¡Dios ahagkok, hewagkas ko'o teyp, eñama apwesey nak! ¡Hemyow ko'o yetlo apmopwána!

² Dios ahagkok, yeyxho sélmaxnagko; etaqmelchesho apháxenmo sekpeywa,

³ hakte énmexmeyk ko'o m'a énxet'ák éleymáxkoho nak apkelwáxok, tén han apkelyennaqteyáseykha nak apyempe'ék, apmáheyok heyaqhek. ¡Megkalxeyenmak apkelwáxok ma'a Dios!

⁴ Epasmeyk eyke ko'o m'a Dios; emyókek ma'a Wesse' egegkok.

^5-6 Sa' yána kápekxak apkeltémakxa ekmaso apagkok apagko' nak sélenmexma. ¡Wesse', emasséssem, hakte xép apteme mehenyenyaweykha! Agkések sa' ko'o exchep aqsok seyaqhe ekxeyenma agko' nak ewáxok agkések, alteméssesek sa' eyeymáxkoho apwesey, hakte tásek xép apwáxok,

⁷ hakte emallanchessegkek ma'a ekyókxoho ekmaso sekha, ekwet'ak apmenxenákpo m'a sélenmexma.