NUMBERS 33 - Edisana ñwed Abasi Ibom

Nte Nditɔ Israel Ekesaŋade Eto Ke Isɔŋ Egypt Esim Moab

¹ MME mmɔ emi edi mme isaŋ nditɔ Israel emi eketode ke isɔŋ Egypt, ke udim, ke udim, ke ubɔk Moses ye Aaron.

² Ndien Moses ewet ebiet emi mmɔ edaŋade isaŋ mmɔ, ke uyo Jehovah: ndien mme mmɔ emi edi ebiet emi mmɔ edaŋade isaŋ mmɔ ke esit.

³ Ndien mmɔ edaŋa ke Rameses ke akpa ɔfiɔŋ, ke ɔyɔhɔ usen akpa ɔfiɔŋ efut: ke edem usen, ke ema ekenim passover ema, ke nditɔ Israel ewɔŋɔ, ke edimenere ubɔk ke iso ofuri Egypt.

⁴ Ndien nditɔ Egypt ebuk kpukpru akpan emi Jehovah ekewotde ke otu mmɔ. Jehovah onyuŋ ɔnɔ mme abasi mmɔ ufen.

⁵ Ekem nditɔ Israel edaŋa ke Rameses, eka ekena ke Succoth.

⁶ Ndien mmɔ edaŋa ke Succoth, eka ekena ke Etham, emi odude ke mben wilderness.

⁷ Ndien mmɔ edaŋa ke etham, ndien ewɔŋɔre eka Pihahiroth, emi asakde iso ese Baal-zephon: ndien mmɔ ena ke iso Migdol.

⁸ Ekem mmɔ edaŋa ke Hahiroth, esaŋa ke ufɔt inyaŋ eduk ke wilderness, enyuŋ esaŋa isaŋ usen ita ke wilderness Etham, eka ekena ke Marah.

⁹ Ndien mmɔ edaŋa ke Marah, ekesim ke Elim: ndien obube mmɔŋ duopeba, ye eyop ata ye duop edu ke Elim; ndien mmɔ ena do.

¹⁰ Ekem mmɔ edaŋa ke Elim, ekena ke mben Ididuot Inyaŋ.

¹¹ Ndien mmɔ edaŋa ke mben Ididuot Inyaŋ ekena ke wilderness Sin.

¹² Mmɔ enyuŋ edaŋa ke wilderness Sin, ekena ke Dophkah.

¹³ Ndien mmɔ edaŋa ke Dophkah, eka ekena ke Alush.

¹⁴ Ekem mmɔ edaŋa ke Alush, eka ekena ke Rephidim, ndien mmɔŋ eke mbio oro eŋwɔŋde iduhe do.

¹⁵ Ekem mmɔ edaŋa ke Rephidim, ndien ekena ke wilderness Sinai.

¹⁶ Ndien mmɔ edaŋa ke wilderness, Sinai ekena ke Kibroth-hattaavah.

¹⁷ Mmɔ enyuŋ edaŋa ke Kibroth-hattaavah, eka ekena ke Hazeroth.

¹⁸ Ndien mmɔ edaŋa ke Hazeroth eke ekena ke Rithmah.

¹⁹ Mmɔ enyuŋ edaŋa ke Rithmah, ekena ke Rimmon-perez.

²⁰ Ekem mmɔ edaŋa ke Rimmon-perez, ekena ke Libnah.

²¹ Mmɔ enyuŋ edaŋa ke Libnah, ekena ke Rissah.

²² Ndien mmɔ edaŋa ke Rissah, ekena ke kehelathah.

²³ Ndien mmɔ edaŋa ke Kehelathah, ekena ke obot Shepher.

²⁴ Ekem mmɔ edaŋa ke obot Shepher, ekena ke Haradah.

²⁵ Ndien mmɔ edaŋa ke Haradah, ekena ke Makheloth.

²⁶ Ndien mmɔ edaŋa ke Makheloth, eka ekena ke Tahath.

²⁷ Mmɔ enyuŋ edaŋa ke Tahath, ekena ke Terah.

²⁸ Mmɔ enyuŋ edaŋa ke Terah ŋko, ekena ke Mithkah.

²⁹ Ndien mmɔ edaŋa ke Mithkah, eka ekena ke Hashmonah.

³⁰ Mmɔ enyuŋ edaŋa ke Hashmonah, ndien ena ke Moseroth.

³¹ Ekem mmɔ edaŋa ke Moseroth, eka ekena ke Bene-jaakan.

³² Ndien mmɔ edaŋa ke Bene-jaakan, eka ekena ke Hor-haggidgad.

³³ Ndien mmɔ edaŋa ke Hor-hagidgad, eka ekena ke Jotbathath.

³⁴ Ndien mmɔ edaŋa ke Jotbathhath, ekena ke Abronah.

³⁵ Ekem mmɔ edaŋa ke Abronah, ekena ke Ezion-geber.

³⁶ Mmɔ enyuŋ edaŋa ke Ezion-geber, ekena ke wilderness Zin, oro edi Kadesh.

³⁷ Ekem mmɔ edaŋa ke Kadesh, ekena ke obot Hor, ke mben isɔŋ Edom.

³⁸ Ndien Aaron oku ɔdɔk ke obot Hor, ke uyo Jehovah, ndien akpa do, ke ɔyɔhɔ isua aba nte nditɔ Israel ekewɔŋɔ ke isɔŋ Egypt, ke akpa usen ɔyɔhɔ ɔfiɔŋ ition.

³⁹ Aaron onyuŋ osim isua ikie ye edip ye ita, ke ini enye akpade do ke obot Hor.

⁴⁰ Ndien ɔbɔŋ Arad, eyen Canaan kiet, emi okoduŋde ke edem usuk-usuk isɔŋ Canaan, okop ete nditɔ Israel emɔŋ edi.

⁴¹ Ekem mmɔ edaŋa ke obot Hor, eka ekena ke zalmonah.

⁴² Ndien mmɔ edaŋa ke Zalmonah, ekena ke Punon.

⁴³ Ndien mmɔ edaŋa ke Punon, ekena ke Oboth.

⁴⁴ Ndien mmɔ edaŋa ke Oboth, ekena ke Iye-abarim, ke adaŋa Moab.

⁴⁵ Ndien mmɔ edaŋa ke Iyim, ekena ke Dibon-gad.

⁴⁶ Ndien mmɔ edaŋa ke Dibon-gad, ekena ke Almon diblathaim.

⁴⁷ Ekem mmɔ edaŋa ke Almon-diblathaim, eka ekena ke obot Abarim, ke iso Nebo.

⁴⁸ Ndien mmɔ edaŋa ke obot Abarim, ekena ke una-isɔŋ Moab ke mben Jordan Jericho.

⁴⁹ Ndien mmɔ edaŋa ke mben Jordan, etɔŋɔ ke Beth-jeshimoth tutu esim ke Abelshittim, ke una-isɔŋ Moab.

⁵⁰ Ekem Jehovah ɔdɔhɔ Moses ke una-isɔŋ Moab, ke mben Jordan Jericho, ete,

⁵¹ Dɔhɔ ye nditɔ Israel! nyuŋ tiŋ nɔ mmɔ, ete, ke adaŋemi mbufo ema ekebe Jordan eduk ke isɔŋ Canaan;

⁵² ndien mbufo ebin kpukpru mme andiduŋ isɔŋ ke iso mbufo efep, enyuŋ ebiat kpukpru owo itiat mmɔ, enyuŋ ebiat kpukpru editara mbiet mmɔ, enyuŋ ewuri kpukpru edikoŋ ebiet mmɔ.

⁵³ Ndien mbufo ebin (mme enyene) isɔŋ efep, enyuŋ eduŋ ke esit: koro mmada isɔŋ emi nnɔ mbufo nte enyene.

⁵⁴ Ndien mbufo eda afia edeme isɔŋ oro, nte ubon mbufo edide: eda akamba udeme enɔ mmɔ eke ewakde, enyuŋ eda ekpri udeme enɔ mmɔ eke miwakke: eke kpukpru owo edidi ke ɔtɔ eke afia otopde ɔnɔ owo: mbufo eda udeme nte mme esien mme ete mbufo edide.

⁵⁵ Edi edieke mbufo minyimeke ndibin mme andiduŋ isɔŋ oro ke iso mbufo mfep; ndien ama ekem, mme mmɔ emi mbufo ediyakde ke otu mmɔ esuhɔ, eyekabare etie nte ŋkukim ke enyin mbufo, ye akpap ke ŋkaŋ mbufo, ndien mmɔ eyeyat mbufo ke isɔŋ emi mbufo eduŋde ke esit.

⁵⁶ Ndien ŋko ama ekem, nyekabare nnam ye mbufo, kpa nte ŋkaduakde ndinam ye mmɔ.