ŊWED MME PSALM 98 - Edisana ñwed Abasi Ibom

Etoro Abasi Emi Akarade ke Edinen Ido

¹ MBUFO ekwɔ obufa ikwɔ enɔ Jehovah; koro enye anamde mme utibe ŋkpɔ: nnasia esie ye edisana ubɔk esie enam erinyaŋa enɔ enye.

² Jehovah ama-nam mmɔ efiɔk erinyaŋa esie: amayarare edinen ido esie ke iso mme idut.

³ Enye emeti ima esie ye akpanikɔ esie emi enye enyenede ye ufɔk Israel: kpukpru mme utit ererimbot emekut erinyaŋa Abasi nnyin.

⁴ Mbufo ofuri ererimbot, esio mkpo idara enɔ Jehovah: ebumere, edara, enyuŋ ekwɔ.

⁵ Ekwɔ enɔ Jehovah ke harp, ke harp, ye uyo ikwɔ.

⁶ Eda ukorowo ye uyo obukpoŋ edara ke iso Jehovah edidem.

⁷ Yak inyaŋ ye se iyɔhɔde ke esit ekpot; ye ererimbot ŋko, ye mme andiduŋ enye.

⁸ Yak mme akpa mmɔŋ ekwak ubɔk: yak ikpɔ obot ekwɔ ɔtɔ kiet;

⁹ ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.