ŊWED MME PSALM 96 - Edisana ñwed Abasi Ibom

Abasi Edi Edidem Emi Okponde Akan

¹ MBUFO ekwɔ obufa ikwɔ enɔ Jehovah: mbufo, ofuri ekondo, ekwɔ enɔ Jehovah.

² Ekwɔ enɔ Jehovah, etoro enyiŋ esie; etaŋa erinyaŋa esie kpukpru usen.

³ Etiŋ ubɔŋ esie ke otu mme idut, ye mme utibe ŋkpɔ esie ke ofuri ererimbot.

⁴ Koro Jehovah omokpon, onyuŋ odot nte ekpetorode enye eti-eti: enye enyene uteŋe akan kpukpru abasi.

⁵ Koro kpukpru abasi mme idut edide ikpikpu ŋkpɔ: edi Jehovah akanam enyɔŋ.

⁶ Ubom ye ubɔŋ edu enye ke iso: odudu ye uyai edu ke edisana ebiet esie.

⁷ Mbufo mme oruk ererimbot, enɔ Jehovah, enɔ Jehovah ubɔŋ ye odudu.

⁸ Enɔ Jehovah ubɔŋ enyiŋ esie: emen enɔ ediduk ke okure esie.

⁹ Etuak ibuot enɔ Jehovah ke edisana uyai: mbufo ofuri ererimbot edara enye ke iso.

¹⁰ Mbufo edɔhɔ ke otu mme idut, ete, ke Jehovah edi edidem: ererimbot onyuŋ ɔsɔŋ ada, idisehekede: enye eyekpe mme idut nte enende.

¹¹ Yak enyɔŋ adat esit, yak isɔŋ onyuŋ ebre; yak inyaŋ ye se iyɔhɔde ke esit onyuŋ okpot.

¹² Yak iŋwaŋ edara, ye kpukpru se idude ke esit: ndien kpukpru mme eto akai eyemenere uyo ke enyɔŋ ke iso Jehovah:

¹³ Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.