ŊWED MME PSALM 87 - Edisana ñwed Abasi Ibom

Idaresit Ɔnɔ Owo Eke Oduŋde ke Zion

Eke nditɔ Korah. Psalm. Ikwɔ.

¹ ITIE esie odu ke mme edisana ikpɔ obot.

² Jehovah ama mme inua-otop Zion akan kpukpru mme iduŋ Jacob.

³ Edɔhɔ ŋkpɔ ubɔŋ ebaŋa fi, Obio Abasi. [Selah.]

⁴ Nyesiak Rahab ye Babylon nte mmɔ eke efiɔkde mi: sese, Philistia, ye Tyre, ye Ethiopia; owo emi akamana do.

⁵ Eyenyuŋ edɔhɔ ebaŋa Zion, ete ke owo emi ye owo oro ekemana ke esit. Ndien enye Ata Edikoŋ eyesɔŋ onim enye.

⁶ Ke ini Jehovah ewetde mme obio, enye eyebat ete ke owo emi akamana do. [Selah.]

⁷ Mbon ikwɔ ye unek (eyedɔhɔ ete), Kpukpru idim mi edu fi ke esit.