ŊWED MME PSALM 82 - Edisana ñwed Abasi Ibom

Abasi Edi Akwa Andikara

Psalm Asaph.

¹ ABASI ada ke esop ata mkpɔsɔŋ; ke otu mme ebierikpe ke enye ekpe ikpe.

² Adaŋa didie ke mbufo edikpe ukwaŋ-ukwaŋ, enyuŋ eteŋe mme idiɔk owo enyin? [Selah.]

³ Mbufo ekpe ikpe mme ubuene, ye eke eyen-akpa: enam se inende ye mbon ukut ye unana.

⁴ Enyaŋa mbon unana ye ubuene: esio mmɔ mme idiɔk owo ke ubɔk.

⁵ Mmɔ ifiɔkke, inyuŋ idige mme asian; mmɔ esesaŋa ke ekim: kpukpru se ererimbot odorode ke esit enyek.

⁶ Ami ndɔdɔhɔ nte, Mbufo edi abasi; kpukpru mbufo enyuŋ edi nditɔ Ata Edikoŋ.

⁷ Edi mbufo eyekpaŋa nte owo, enyuŋ eduɔŋɔ nte owo kiet ke otu mbɔŋ.

⁸ O Abasi, daha ke enyɔŋ, kpe ikpe ererimbot; koro afo eyeda kpukpru mme idut enyene.