ŊWED MME PSALM 8 - Edisana ñwed Abasi Ibom

Ubɔŋ Abasi ye Ndinɔ Owo Ukpono

Eke mme etubom mbon ikwɔ ke Gittith. Psalm David.

¹ O JEHOVAH, Ɔbɔŋ nnyin, enyiŋ fo okpon didie ke ofuri ererimbot! emi odoride ubɔŋ fo ke enyɔŋ mme heaven.

² Afo osio odudu ke inua nditɔwɔŋ ye eke nsek nditɔ onim abaŋa mme asua fo, man afo odop inua usua ye eke osio-usiene.

³ Ke adaŋemi nsede enyɔŋ, utom nnuenubɔk fo, ɔfiɔŋ ye ntantafiɔŋ emi afo owukde;

⁴ nso ŋkpɔ edi owo eke afo etide enye? nso ŋkpɔ edi eyen owo eke afo edide edise enye?

⁵ Onyuŋ anam enye ekpri esisit akan mme angel, onyuŋ ada ubɔŋ ye uyai ayara enye?

⁶ Onim enye ke etubom utom ubɔk fo; ada kpukpru ŋkpɔ adak enye ke ukot;

⁷ ŋkpri ufene, ye kpukpru enaŋ, ye mme unam ikɔt nde;

⁸ inuen enyɔŋ, ye iyak ke mmɔŋ, emi esaŋade ke usuŋ inyaŋ ebe.

⁹ O Jehovah, Ɔbɔŋ nnyin, enyiŋ fo okpon didie ke ofuri ererimbot!