ŊWED MME PSALM 76 - Edisana ñwed Abasi Ibom

Abasi Edi Andikan ye Ebiereikpe

Eke etubom mbon ikwɔ. Asaŋa ye ndido uruk. Psalm Asaph. Ikwɔ.

¹ EMEFIƆK Abasi ke Judah; enyiŋ esie omokpon ke Israel.

² Ataya esie omonyuŋ odu ke Salem, ye iduŋ esie ke Zion.

³ Do ke enye obuŋ obuma utiga, otu-ekɔŋ, ye ofut, ye ekɔŋ. [Selah.]

⁴ Afo emeye omonyuŋ okpon akan ikpɔ obot mbume.

⁵ Emebume mbon nsɔŋesit; mmɔ emede idap mmɔ: baba owo uko kiet inyuŋ ikwe ubɔk mmɔ.

⁶ O Abasi Jacob, nduari fo esin chariot ye horse ede idap.

⁷ Afo, kpa afo, emenyene ndik: ndien anie ekeme ndida fi ke iso, ke ini nte esit ayatde fi?

⁸ Afo etie ke enyɔŋ anam ekop ikpe; isɔŋ edikhe onyuŋ odobo,

⁹ ke ini Abasi adahade ke enyɔŋ ndikpe ikpe, nnyuŋ nnyaŋa kpukpru suŋ-suŋ owo ke isɔŋ. [Selah.]

¹⁰ Koro ifuresit owo otorode fi: afo ada ifuresut eke ɔsuhɔde ɔbɔbɔ ke idem.

¹¹ Mbufo kpukpru emi ekande enye ekuk, ekaŋa akaŋa, enyuŋ esio enɔ Jehovah Abasi mbufo: yak mmɔ eda enɔ esɔk Enye emi ekpebakde.

¹² Enye esibe ibifik mbɔŋ efep: ndidem ereribot ekpedikhe enye.