ŊWED MME PSALM 74 - Edisana ñwed Abasi Ibom

Ndibeŋe Abasi Uŋwam ke Ini Mme Asua Ekande Idut

Maschil eke Asaph.

¹ O ABASI, nsinam afo emende nnyin ɔduɔk ke nsinsi? Nte iyaresit fo ɔwɔrɔ nsuŋikaŋ ye ufene emi afo ɔbɔkde?

² Ti mbon esop fo, emi afo ekedepde ke eset; afo akafak esien udeme fo, obot Zion emi afo oduŋde ke esit.

³ Menere ikpat fo di se nsinsi ŋwure; kpukpru se mme asua ebiatde ke edisana ufɔk.

⁴ Mbon utɔk fo efiori mfiori ke ufɔt ebiet esop fo; mmɔ emenere mme idiɔŋɔ mmɔ ewuk ke idiɔŋɔ.

⁵ Efiɔk enye nte owo emi emenerede ekudi ke enyɔŋ ke edibaŋ ikɔt.

⁶ Ndien ke emi mmɔ eda ekudi ye hammer ewuri edikap ŋkpɔ esie ini kiet.

⁷ Mmɔ emekim ikaŋ ke edisana ebiet fo emewuri ebiet iduŋ enyiŋ fo, eduɔk ke isɔŋ.

⁸ Emedɔhɔ ke esit mmɔ, ete, Yak nnyin ibiat mmɔ ini kiet: emefɔp kpukpru ebiet esop Abasi ke isɔŋ.

⁹ Nnyin ikwe mme idiɔŋɔ nnyin; prophet iduhe aba: ndien owo eke ɔfiɔkde adaŋa ini ewe, iduhe ye nnyin.

¹⁰ O Abasi adaŋa didie ke usua edisuŋi? Nte owo utɔk edisuene enyiŋ fo ke nsinsi?

¹¹ Nsinam afo adade ubɔk fo ye nnasia fo efep? Sio ke ikpanesit fo nam ma.

¹² Ndien Abasi edi edidem mi toto ke eset, ke anam eriyaŋa ke ufɔt isɔŋ.

¹³ Afo akasiak inyaŋ ke odudu fo: akasuan mbuot mme dragon ke mmɔŋ.

¹⁴ Afo amaba-mare leviathan ibuot, ada enye ɔnɔ mbon wilderness eta.

¹⁵ Amabahare idim ye akamba mmɔŋ: anam mme nsinsi akpa esat.

¹⁶ Uwemeyo edi okuomɔ, okoneyo onyuŋ edi okuomɔ; afo omotim uŋwana ye utin.

¹⁷ Edi afo enim kpukpru adaŋa ererimbot; edi afo obot nda-eyo ye ukwɔ.

¹⁸ Ti emi, usua ke esuene, O Jehovah; mbon ndisime esin enyiŋ fo ke ndek.

¹⁹ Kuda turtle fo unɔ itɔŋ mbon afai: kufre uwem ikɔt fo emi ekutde ukut ke nsinsi.

²⁰ Tiŋ enyin ke ediomi: koro iduŋ afai eyɔhɔde ke ŋkim-ŋkim ebiet isɔŋ.

²¹ Oh, kuyak mmɔ eke owo efikde eda esuene efiak edem: nam eyen ukut ye unana etoro enyiŋ fo.

²² Daha ke enyɔŋ, O Abasi, kpe ikpe fo: ti esuene emi ndisime owo esuenede fi ofuri usen.

²³ Kufre uyo mme asua fo: ndutime mbon-utɔk fo osuk ɔdɔdɔk kpukpru ini.