ŊWED MME PSALM 70 - Edisana ñwed Abasi Ibom

Akam Ndibeŋe Abasi Ŋkpɔk Nyak

Eke etubom mbon ikwɔ. Eke David. Se edade eti.

¹ O ABASI, wara di nyaŋa mi: O Jehovah, wara di bɔ mi ubɔk.

² But ye esuene eyenam mmɔ eke eyomde ukpɔŋ mi: mmɔ eke esit adatde mmɔ ke se idiɔkde ye ami, eyefiak edem enyuŋ ekut but.

³ Mmɔ eke edɔhɔde mi, ete, Aha! aha! eyefiak edem ke usiene oburobut ido mmɔ.

⁴ Kpukpru mmɔ eke eyomde fi eyenem esit enyuŋ edara fi: mmɔ eke emade erinyaŋa fo eyenyuŋ esuk edɔhɔ kpukpru ini, ete, “Ekpono Abasi.”

⁵ Ndien ami ndi eyen ubuene ye unana: O Abasi, wara di tiene mi: afo edi andiŋwam mi ye andinyaŋa mi; O Jehovah, kunam ubigi.