ŊWED MME PSALM 63 - Edisana ñwed Abasi Ibom

Abasi Ɔyuhɔ Owo Eke Okopde Nsaritɔŋ

Psalm David, ke ini enye odude ke wilderness Judah.

¹ O ABASI, afo edi Abasi mi; nyebak nyom fi. Itɔŋ fo ɔdɔŋ mi ukpɔŋ, obukidem mi oyoyom fi ke isɔŋ nsat ye mba, eke mmɔŋ miduhe;

² Man ŋkut odudu fo ye ubɔŋ fo, kpa nteŋkokutde fi ke edisana ebiet.

³ Koro ima fo ɔfɔnde akan uwem, mkpɔk-inua mi eyetoro fi.

⁴ Ntreke ndikɔm fi ke uwem mi; nyemenere ubɔk mi ke enyiŋ fo.

⁵ Ukpɔŋ mi eyeyuhɔ kpa nte ke udia ye ikpɔŋ; ndien inua mi eyeda mkpɔk-inua idara otoro fi:

⁶ ke ini nnade ke mbri mi nti fi, nyekere fi ke efen okoneyo.

⁷ Koro afo edide andiŋwam mi, ndien nyedara ke mfut mba fo.

⁸ Ukpɔŋ mi eyire fi ke edem: ubɔk nnasia fo omum mi akama.

⁹ Edi mmɔ eke eyomde ukpɔŋ mi edi ŋkpɔ nsobo; mmɔ eyesuhɔre eduk ke idak isɔŋ.

¹⁰ Eyeda mmɔ esin ke ubɔk ofut: eyedi udeme mme jackal.

¹¹ Edi edidem eyedara Abasi: kpukpru owo eke etomode enye eyebure: koro eyesiri mme osu-nsu inua.