ŊWED MME PSALM 6 - Edisana ñwed Abasi Ibom

Akam Ndiyom Mbɔm Abasi ke Ini Udɔŋɔ

Eke etubom mbon ikwɔ ke harp, ke Sheminith. Psalm David.

¹ O JEHOVAH, kusua unɔ mi ke iyaresit fo, kunyuŋ utɔnɔ mi ke ifiopesit fo.

² O Jehovah tua mi mbɔm, koro idem ememde mi: O Jehovah, nam mi ŋkop idem, koro mme ɔkpɔ mi ewɔkde.

³ Ukpɔŋ ɔnyuŋ ɔwɔk mi ke idem eti-eti: edi afo, O Jehovah, adaŋa didie (ke edibigi)?

⁴ Fiak edem, O Jehovah, sio ukpɔŋ mi ke ukut: O nyaŋa mi baŋa ima fo.

⁵ Koro mitihi fi ke mkpa: anie edikɔm fi ke udi?

⁶ Mmakpa mba ke mmum mi; nyenam mbri mi ɔfiɔrɔ ke ofuri okoneyo; nyetara mkpana mi ke mmɔŋ eyet mi.

⁷ Iyaresit esin enyin ebire mi; oto ke kpukpru mme asua mi mmɔ ekim.

⁸ Mbufo, kpukpru mme anam idiɔk ido, edianare mi ke idem; koro Jehovah okopde uyo eyet mi.

⁹ Jehovah omokop mkpe-ubɔk mi; Jehovah eyebɔ akam mi.

¹⁰ Kpukpru mme asua mi eyekut but, enyuŋ enyek idem; mmɔ eyefiak edem, enyuŋ ekut but ke idaha kiet.