ŊWED MME PSALM 53 - Edisana ñwed Abasi Ibom

Ndisime ye Ibak Owo

Eke etubom mbon ikwɔ. Asaŋ ke Mahalath. Maschil David.

¹ NDISIME owo ɔdɔhɔ ke esit esie, ete, Abasi iduhe. Mmɔ emediɔk, enyuŋ enam oburobut ido: baba owo kiet eke anamde eti iduhe.

² Abasi etie ke enyɔŋ osuk iso ese nditɔ owo, ete ise mme enyene-ibuot owo odu, owo eke ebinede Abasi.

³ Kpukpru mmɔ emefiak edem: mmɔ emebiara kpukpru; baba owo kiet eke anamde eti iduhe, baba ndomo kiet.

⁴ Nte mme anam-idiɔk ifiɔkke ŋkpɔ, mmɔ emi ediade ikɔt mi nte ediade udia, ndien misemeke inɔ Abasi?

⁵ Mmɔ ekefehe ndik do eke ŋkpɔ ndik miduhe: koro Abasi asuande mme ɔkpɔ mmɔ emi ekande fi ekuk: afo emesin but anam mmɔ: koro Abasi emende mmɔ ɔduɔk.

⁶ Erinyaŋa Israel akpakam oto ke Zion! Ke adaŋemi Abasi adade ikɔt esie emi eketaŋde efep afiak edi, Jacob eyebre, Israel eyedara.