ŊWED MME PSALM 46 - Edisana ñwed Abasi Ibom

Abasi Edi Ebiet Ubɔhɔ ye Odudu Nnyin

Eke etubom mbon ikwɔ. Eke nditɔ Korah. Asaŋa ye Ala-moth. Ikwɔ.

¹ ABASI edi ebiet-ubɔhɔ nnyin ye odudu nnyin, Enye edi andinyaŋa eke ekperede nnyin eti-eti ke nnanenyin.

² Mmɔdo nnyin mididikheke, isɔŋ ɔkpɔkpuhɔre, ikpɔ obot ekpenyuŋ esehere esine ke esit inyaŋ.

³ Yak mmɔŋ esie oyomo onyuŋ ofut; yak ikpɔ obot enyuŋ enyek ke odut esie. [Selah.]

⁴ Akpa (odu): mme idim esie eyedat obio Abasi esit, kpa edisana iduŋ Ata Edikoŋ.

⁵ Abasi odu enye ke esit; enye idisehekede: Abasi eyenyeŋa enye ke ata usenubɔk.

⁶ Mme idut eyomo, mme obio esehere: enye emenere uyo esie, isɔŋ eyetara.

⁷ Jehovah mme udim odu ye nnyin: Abasi Jacob edi ubɔhɔ nnyin. [Selah.]

⁸ Mbufo edi edise se Jehovah anamde, emi esinde ŋwure ke ererimbot.

⁹ Enye anam ekɔŋ etre tutu osim ke utit ekondo; eyebuŋ utiga, onyuŋ osibe eduat: eyenyuŋ ɔfɔp mme chariot ke ikaŋ.

¹⁰ Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.

¹¹ Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]