ŊWED MME PSALM 43 - Edisana ñwed Abasi Ibom

Akam Ndiyom Uŋwam Abasi ke Ini Afanikɔŋ

¹ KPE ikpe mi, O Abasi, nyuŋ tɔhɔ utɔk mi ye idut emi mimaŋa Abasi: afo eyesio mi ke ubɔk owo abiaŋa ye ŋkwaŋa.

² Koro afo edide Abasi odudu mi; nsinam afo ɔduɔkde mi? Nnam didie nsaŋa mfuhɔ mbaŋa ufik usua?

³ O dɔŋ uŋwana fo ye akpanikɔ fo utom; mmɔ eyeda mi usuŋ; eyeda mi edi ke edisana obot fo, ye ke iduŋ fo.

⁴ Ndien nyeka ke itie-uwa Abasi, kpa Abasi ata idaresit mi: nyeda harp ŋkɔm fi, O Abasi, Abasi mi.

⁵ O Ukpɔŋ mi, nsinam afo ɔfuhɔde? Nsinyuŋ inam afo etimerede mi ke idem? dori enyin ye Abasi; koro nyesuk ŋkɔm enye, erinyaŋa iso mi, ye Abasi mi.