ŊWED MME PSALM 4 - Edisana ñwed Abasi Ibom

Akam Mbubreyo Ndibuɔt Idem ke Abasi

Eke etubom mbon ikwɔ ke harp. Psalm David.

¹ EDINEN Abasi mi, yere mi ke adaŋa emi nsemede ŋkot fi; afo ama ababare mi mbaba; tua mi mbɔm, nyuŋ kop mkpe-ubɔk mi.

² Nditɔ owo, adaŋa didie ke ubɔŋ mi editie nte ŋkpɔ but? Adaŋa didie ke mbufo edima ikpikpu ŋkpɔ, enyuŋ ebine nsu? [Selah.]

³ Mbufo efiɔk, ndien, ete ke Jehovah adianare owo ima esie, onim ɔnɔ idem esie; Jehovah eyekop ke ini nsemede ŋkot enye.

⁴ Mbufo ekunam idiɔk ke ifuresit: ena ke mbri mbufo, eneme ye esit mbufo, enyuŋ edop uyo. [Selah.]

⁵ Ewa mme uwa eti ido, enyuŋ ebuɔt idem ye Jehovah.

⁶ Ediwak owo edɔhɔ ete, Anie ediwut nnyin ufɔn? O Jehovah, nam uŋwana iso fo ayama ɔnɔ nnyin.

⁷ Afo esin mi idara ke esit akan ini eke ibokpot mmɔ ye wine mmɔ ewakde.

⁸ Nyesuhɔre nna ke isɔŋ, nnyuŋ nde idap suŋ-ŋ koro edi afo, Jehovah, ikpɔŋ-ikpɔŋ anam mi ntie ke ifure.