ŊWED MME PSALM 32 - Edisana ñwed Abasi Ibom

Idaresit Emi odude ke Owo Ndibɔ Edifen Nnɔ

Eke David, Maschil.

¹ ƆFƆFƆN ɔnɔ owo eke efende mme idiɔk ido esie, enyuŋ efukde ndudue esie.

² Ɔfɔfɔn ɔnɔ owo eke Jehovah mi-batke mme ukwaŋ-ŋkpɔ inɔ enye, baba abiaŋa minyuŋ iduhe ke spirit esie.

³ Koro ŋkodopde uyo, mme ɔkpɔ mi eyemere ke ntuaŋa mi ofuri usen.

⁴ Koro ubɔk fo odobide mi ke idem ke uwemeyo ye okoneyo: nsek mi asat ke ndaeyo. [Selah.]

⁵ Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]

⁶ Emi eyesin kpukpru mbon-ima fo ekpe fi ubɔk ke ini eke edikutde fi: ŋkɔm ke ini ukwɔ akamba mmɔŋ, mmɔ idisimke enye.

⁷ Afo edi ebiet udibe mi; eyekpeme mi abak nnanenyin: eyeda ikwɔ ubɔhɔ akan mi okuk. Selah.

⁸ Nyeteme fi, nnyuŋ ŋwut fi usuŋ eke afo edisaŋade: nyeteme fi, nyetiŋ fi enyin mi ke idem.

⁹ Mbufo ekubiet horse ye mule: ibuot anana: mbaŋ mmɔ esine ukwak ye uruk ke eke ukpaha: mmɔ inyimeke ndisaŋa ŋkpere fi.

¹⁰ Mme idiɔk owo ekut ediwak ubiak: edi ama edi owo eke ɔbuɔtde idem esie ye Jehovah, ima eyekan enye okuk.

¹¹ Mbufo nti owo, edara Jehovah, enyuŋ ebre: yak kpukpru mbon esit kiet enyuŋ esio mkpo idara.