ŊWED MME PSALM 24 - Edisana ñwed Abasi Ibom

Akwa Edidem Ubɔŋ

Psalm David.

¹ ISƆŊ ye se iyɔhɔde ke esit enyene Jehovah, ererimbot, ye mme andiduŋ enye.

² Koro Enye odoride enye ke inyaŋ, onyuŋ otim onim enye ke enyɔŋ akpa mmɔŋ.

³ Anie edidɔk obot Jehovah? Anie edinyuŋ ada ke edisana ebiet esie?

⁴ Enye emi ubɔk asanade, esit minyuŋ ideheke; emi mimenekede ukpɔŋ esie inɔ nsu, minyuŋ iŋwɔŋɔke inɔ abiaŋa.

⁵ Enye eyebɔ Jehovah eti ŋkpɔ ke ubɔk, onyuŋ ɔbɔ Abasi erinyaŋa esie edinen ido.

⁶ Emi edi emana mmɔ eke ebinede enye, mmɔ emi eyomde iso fo edi kpa Jacob. [Selah.]

⁷ Mbufo mme enyin-usuŋ, emenere mbuot mbufo: mbufo nsinsi itim enyuŋ emenere idem ke enyɔŋ; ndien edidem ubɔŋ eyeduk.

⁸ Anie edi edidem ubɔŋ emi? Jehovah ɔkpɔsɔŋ ye uko, Jehovah uko ke ekɔŋ.

⁹ Mbufo, mme enyin-usuŋ, emenere mbuot mbufo; mbufo nsinsi itim enyuŋ emenere idem mbufo ke enyɔŋ: ndien edidem ubɔŋ eyeduk.

¹⁰ Anie edi edidem ubɔŋ emi? Jehovah mme udim, enye edi edidem ubɔŋ. [Selah.]