ŊWED MME PSALM 21 - Edisana ñwed Abasi Ibom

Akam Ekɔm ke Edinyaŋa Abasi

Eke etubom mbon ikwɔ. Psalm David.

¹ O JEHOVAH, edidem eyedat esit ke odudu fo; adaŋa didie ke enye edidara erinyaŋa fo!

² Afo ɔmɔnɔ enye se esit esie oyomde, unyuŋ usinke enye ebeŋe mkpɔk-inua esie. [Selah.]

³ Koro afo eyeda ata nti enɔ edi enye ke iso; eyeda anyanya eti gold ayara enye ke ibuot.

⁴ Enye ekebeŋe fi uwem, ndien afo ɔmɔnɔ enye, anyan usen ke nsinsi nsinsi.

⁵ Ubɔŋ esie eke otode ke erinyaŋa fo eyekpon: afo eyedori enye ukpono ye uku.

⁶ Koro afo eyenim enye ke ŋkpɔ eridiɔŋ ke nsinsi; eyenam enye adat esit ke iso fo.

⁷ Koro edidem ɔbuɔtde idem ke Jehovah, ima Ata Edikoŋ idinyuŋ iyakke enye esehere.

⁸ Ubɔk fo eyesim kpukpru mme asua fo: ubɔk nnasia fo eyesim mbio utɔk fo.

⁹ Afo eyenim mmɔ nte furnace ke ini iso fo, Jehovah eyesobo mmɔ ke iyaresit esie, ndien ikaŋ eyeta mmɔ.

¹⁰ Afo eyebiat mfri mmɔ ke isɔŋ efep, onyuŋ osio ubon mmɔ ke otu nditɔ owo.

¹¹ Koro mmɔ ekerede idiɔk ebaŋa fi, eduak uduak emi mikemeke (ndinam).

¹² Koro afo eyenam mmɔ ekpa edem: afo eyeda uruk utiga fo eket mmɔ iso.

¹³ Menere idem fo. O Jehovah, ke nsɔŋidem fo; nnyin iyekwɔ, inyuŋ itoro odudu fo.