ŊWED MME PSALM 2 - Edisana ñwed Abasi Ibom

Edidem Emi Abasi Emekde

¹ NSINAM mme idut efutde, nsinyuŋ inam mme obio ekerede ikpikpu ŋkpɔ?

² Ndidem ererimbot edaha eda, mbɔŋ enyuŋ ebono eduk odu ebaŋa Jehovah ye Messiah esie, ete,

³ “Eyak nnyin ibuŋ ŋkpɔkɔbi mmɔ, inyuŋ ikibi uruk mmɔ ke idem nnyin iduɔk.”

⁴ Enye etie ke enyɔŋ asak: Ɔbɔŋ ababiaŋa mmɔ.

⁵ Ndien enye ɔdɔhɔ ye mmɔ ke iyaresit esie, onyuŋ ada ikaŋ ifuresit esie esin mmɔ ndik.

⁶ Ndien edi ami mmonim edidem mi ke enyɔŋ Zion edisana obot mi.

⁷ Yak ntiŋ mbaŋa ewuhɔ: Jehovah ɔmɔdɔhɔ mi, ete, Afo edi eyen mi ami mmobon fi mfin emi.

⁸ Beŋe mi, ndien nyenɔ fi mme idut ke udeme fo, nyenɔ mme utit ererimbot, nte afo ada enyene.

⁹ Afo eyenuak mmɔ ke esaŋ ukwak; onyuŋ obom mmɔ nte ŋkpɔ eke obot-eso anamde.

¹⁰ Mbufo ndidem edi ɔniɔŋ, ndien: mbufo, mme ebierikpe ererimbot, ekop item.

¹¹ Enam ŋkpɔ Jehovah ke ndik, enyuŋ edara ke unyek-idem.

¹² Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.