ŊWED MME PSALM 15 - Edisana ñwed Abasi Ibom

Mmɔ Emi Ediduŋde ke Edisana Obot Abasi

Psalm David.

¹ JEHOVAH anie ediduŋ ke tent fo? Anie editie ke edisana obot fo?

² Owo eke asaŋade nte ɔfɔnde ama, onyuŋ amade edinen ido, onyuŋ ɔdɔhɔde akpanikɔ ke esit esie.

³ Owo eke midɔkke eridɔk ke edeme esie; minyuŋ inamke ufan esie idiɔk; minyuŋ itibike ikɔ but idian mbɔhiduŋ esie.

⁴ Enye ese oburobut owo ke ndek, edi okpono mmɔ eke ebakde Jehovah. Enye ɔŋwɔŋɔ se itukde idem esie, ndien ikpuhɔkede.

⁵ Enye ibuɔtke inyene esie idia udori ikaha, inyuŋ ibɔhɔ enɔ ituk owo eke miduehe isop. Owo eke anamde ŋkpɔ emi idisehekede ke nsinsi.