ŊWED MME PSALM 14 - Edisana ñwed Abasi Ibom

Ndisime ye Ibak ke Esit Owo

Eke etubom mbon ikwɔ. Psalm David.

¹ NDISIME owo ɔdɔhɔ ke esit esie, ete, Abasi iduhe. Mmɔ emediɔk, enyuŋ enam mbubiam-ŋkpɔ; baba owo kiet eke anamde eti ido iduhe.

² Jehovah etie ke enyɔŋ, osuk iso ese nditɔ owo, ete ise mme enyene owo eti-ibuot, owo eke ebinede Abasi.

³ Kpukpru mmɔ emewaha, mmɔ emebiara kpukpru: baba owo kiet eke anamde eti ido iduhe, ndomo baba kiet.

⁴ Nte kpukpru mme anam-idiɔk ifiɔkke ŋkpɔ, mmɔ eke ediade ikɔt mi nte ediade udia, ndien isemeke inɔ Jehovah?

⁵ Do ke mmɔ efehe ndik: koro Abasi odude ke otu emana ndinen owo.

⁶ Mbufo eyesin uduak eyen ukut ke ndek, koro Jehovah edide ebiet ubɔhɔ esie.

⁷ Erinyaŋa Israel akpakam oto ke Zion! Ke adaŋemi Jehovah afiakde etiene ikɔt esie emi eketaŋde efep, Jacob eyebre, Israel eyedara.