ŊWED MME PSALM 130 - Edisana ñwed Abasi Ibom

Nditi Mbet Ufak Emi Otode Abasi

Ikwɔ mmɔ eke edɔkde.

¹ NTIE ke edem nseme nnɔ fi, O Jehovah.

² O Ɔbɔŋ, kop uyo mi: yak utɔŋ fo ɔbiɔŋɔ ke uyo mkpe-ubɔk mi.

³ O Jehovah, afo ekpese mme idiɔk ido, O Ɔbɔŋ, anie ekpekeme ndida?

⁴ Koro eridahado enyenede fi, man eteŋe fi.

⁵ Mbebet Jehovah, ukpɔŋ mi ke ebebet; ami nnyuŋ ndori enyin ke ikɔ esie.

⁶ Ukpɔŋ mi ke ebebet Ɔbɔŋ, akan nte mbon-ukpeme ebetde usiere: mbon-ukpeme ebet usiere.

⁷ Israel, dori enyin ye Jehovah; koro ima odude ye Jehovah; ediwak ufak onyuŋ odu ye enye.

⁸ Ndien enye eyefak Israel osio ke kpukpru mme idiɔk ido mmɔ.