ŊWED MME PSALM 13 - Edisana ñwed Abasi Ibom

Ndibeŋe Abasi Uŋwam ke Ini Afanikɔŋ

Eke etubom mbon ikwɔ. Psalm David.

¹ O JEHOVAH, adaŋa didie ke afo edifre mi ke nsinsi? Adaŋa didie ke afo edidip mi iso fo?

² Adaŋa didie ke ndinim uduak ke ukpɔŋ mi, uduk ke esit mi kpukpru usen? Adaŋa didie ke usua mi ediforo akan mi?

³ Tiŋ enyin, nyuŋ yere mi, Jehovah Abasi mi: ŋwaŋa mi enyin, mbak ndide mkpa;

⁴ mbak usua mi edidɔhɔ ete, “Mmakan enye”; mbak mbon-utɔk mi edinyuŋ edara ke ini nnyekde.

⁵ Edi ami mbuɔt idem mi ke ima fo; esit eyedat mi ke erinyaŋa fo.

⁶ Nyekwɔ nnɔ Jehovah, koro enye ɔfɔnde ido ye ami.