ŊWED MME PSALM 124 - Edisana ñwed Abasi Ibom

Ndiyom Ufak Abasi ke Ikwɔ Itoro

Ikwɔ mmɔ eke edɔkde. Eke David.

¹ YAK ISRAEL edɔhɔ, ete, Mikpedige Jehovah ada ye nnyin;

² mikpedige Jehovah ada ye nnyin, ke ini owo edahade ke enyɔŋ enam ikɔ ye nnyin:

³ ke ini oro ekpemen nnyin ye uwem, ke ini mmɔ eyatde esit ikaŋ-ikaŋ ye nnyin.

⁴ Ke ini oro mmɔŋekpemen nnyin, akpa okpofuk ukpɔŋ nnyin:

⁵ ke ini oro mmɔŋ iseri okpofuk ukpɔŋ nnyin.

⁶ Ekɔm Jehovah emi mikadaha nnyin inɔ edet mmɔ eta.

⁷ Ukpɔŋ nnyin ɔmɔbɔhɔ nte inuen ɔbɔhɔde afia ata-ikɔt: afia ɔmɔbuŋɔ, ndien nnyin imɔbɔhɔ.

⁸ Erinyaŋa nnyin odu ke enyiŋ Jehovah, emi akanamde enyɔŋ ye isɔŋ.