ŊWED MME PSALM 123 - Edisana ñwed Abasi Ibom

Ndibeŋe Abasi Mbɔm Esie

Ikwɔ mmɔ eke edɔkde.

¹ NYEMENERE enyin mi nse fi emi oduŋde ke enyɔŋ.

² Sese, nte enyin ifin esede ubɔk mme ete mmɔ, nte enyin ofin aŋwan esede ubɔk eka esie, kpa ntre ke enyin nnyin ese Jehovah Abasi nnyin, tutu enye ɔfɔn ido ye nnyin.

³ Fɔn ido ye nnyin, O Jehovah, fɔn ido ye nnyin: koro but ɔmɔyɔhɔ nnyin eti-eti.

⁴ Esuene mmɔ eke eduŋde ke ifure, ye but mbon iseri, eyuhɔ ukpɔŋ nnyin eti-eti.