ŊWED MME PSALM 122 - Edisana ñwed Abasi Ibom

Akam Ndibeŋe Abasi Emem Nnɔ Idut Jerusalem

Ikwɔ mmɔ eke edɔkde. Eke David.

¹ MMƆ eke edɔhɔde mi, ete, “Nnyin iyeka ke ufɔk Jehovah,” edat mi esit.

² Ukot nnyin ke eda ke esit inua-otop fo, O Jerusalem.

³ Emebɔp Jerusalem nte obio eke etimde edian ke ɔtɔ kiet:

⁴ emi mme esien, kpa mme esien Jehovah, edɔkde eka do, nte ntiense Israel, man ekɔm enyiŋ Jehovah.

⁵ Koro mme itie ikpe ediɔhɔde do, idem mme itie ufɔk David.

⁶ Mbufo enam mkpeubɔk eyom ifure Jerusalem: mmɔ eke emade fi eyetie ke ifure.

⁷ Yak emem odu ke esit ibibene fo, ye ifure ke ikpɔ ufɔk fo.

⁸ Yak ndɔhɔ ndien mbaŋa nditɔ-ete mi ye mme nsaŋa mi, nte, “Yak emem odu fi ke esit.”

⁹ Nyeyom se ifɔnde ye afo mbaŋa ufɔk Jehovah Abasi nnyin.