ŊWED MME PSALM 121 - Edisana ñwed Abasi Ibom

Abasi Edi Andikpeme Nnyin

Ikwɔ mmɔ eke edɔkde.

¹ MMƆŊ mmenere enyin mi nse ikpɔ obot. Erinyaŋa mi oto mmɔŋ?

² Erinyaŋa mi oto Jehovah, emi akanamde enyɔŋ ye isɔŋ.

³ Andikpeme fi okuyak ukot fo ɔfiɔnɔre: enye okuyet idap.

⁴ Sese, andikpeme Israel idiyetke idap idinyuŋ idehe.

⁵ Jehovah edi andikpeme fi: Jehovah edi mfut fo ke ubɔk nnasia fo.

⁶ Utin idibɔŋke fi ke uwemeyo, ɔfiɔŋ idinyuŋ ibɔŋke ke okoneyo.

⁷ Jehovah eyekpeme fi, mbak idiɔk ŋkpɔ ekededi: enye eyekpeme ukpɔŋ fo.

⁸ Jehovah eyekpeme eriwɔrɔ fo ye eriduk fo, ke emi ye ke nsinsi.