ŊWED MME PSALM 120 - Edisana ñwed Abasi Ibom

Akam Ndibeŋe Abasi Uŋwam

Ikwɔ mmɔ emi edɔkde.

¹ AMI ŋkeseme nnɔ Jehovah ke nnanenyin mi, ndien enye eyere mi.

² O Jehovah, nyaŋa ukpɔŋ mi sio ke mkpɔk-inua nsu, ye ke edeme abiaŋa.

³ Enye edinɔ fi nso, edinyuŋ ada nso adian ye afo, O edeme abiaŋa?

⁴ Edisɔp idaŋ owo ekɔŋ ɔkɔrɔ ye ebok ikaŋ broom.

⁵ Mbɔm mi, koro ndaŋde ke Meshech, nnyuŋ nduŋde ŋkpere mme tent Kedar!

⁶ Ukpɔŋ mi omoduŋ ebigi ye mmɔ eke esuade emem.

⁷ Ami ndi emem: edi ke ini ndɔhɔde, mmɔ eka ekɔŋ.