ŊWED MME PSALM 12 - Edisana ñwed Abasi Ibom

Ndibeŋe Abasi Uŋwam ke Ini Idiok

Eke etubom mbon ikwɔ ke Sheminith. Psalm David.

¹ O JEHOVAH, nyaŋa; koro mbon ima fo ekurede: koro mbon akpanikɔ etrede ke otu nditɔ owo.

² Mmɔ esu nsu enɔ mbɔhiduŋ mmɔ; eda nnem-inua ke esit iba etiŋ ikɔ.

³ Jehovah eyekpok kpukpru mmɔ eke eyaŋde ke mkpɔk-inua, ye edeme eke ɔdɔhɔde ikpɔ ŋkpɔ.

⁴ Eke edɔhɔde ete, Nnyin iyenam uko ke edeme nnyin: mkpɔk-inua nnyin enyene idem nnyin: anie edi ɔbɔŋ nnyin?

⁵ Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

⁶ Mme ikɔ Jehovah edi ndisana ikɔ, nte silver eke etarade ke eso mbat, eke eduhɔde utim ikatiaba.

⁷ Afo, O Jehovah, eyekpeme mmɔ, eyekama mmɔ abaŋa emana emi ke nsinsi.

⁸ Mme idiɔk owo esesaŋa ekanare ekuk, adaŋemi ata mme oburobut owo eforode.