ŊWED MME PSALM 114 - Edisana ñwed Abasi Ibom

Ikwɔ Uwɔrɔ Ufin

¹ KE adaŋoro Israel otode ke Egypt, ke ini ufɔk Jacob otode ke idut emi esemde usem;

² Judah akabare edi edisana ebiet esie, Israel akabare edi se enye akarade.

³ Inyaŋ okut onyuŋ efehe: Jordan akabare afiak edem.

⁴ Ikpɔ obot enek nte okukim, ŋkpri obot, nte nditɔ ufene.

⁵ Nso ŋkpɔ akanam fi, O inyaŋ eke esinde fi efehe? Nsoŋkpɔ akanam fi O Jordan, eke esinde fi akabare afiak edem?

⁶ Nso ŋkpɔ akanam mbufo, ikpɔ obot, eke esinde mbufo enek nte okukim? Ye ŋkpri obot nte nditɔ ufene?

⁷ O isɔŋ, enyik idem ke iso Ɔbɔŋ, ke iso Abasi Jacob;

⁸ emi akabarede akwa itiat edi mkpɔdiɔhɔ-mmɔŋ, akabare afransi edi idim mmɔŋ.