ŊWED MME PSALM 113 - Edisana ñwed Abasi Ibom

Abasi Edi Andiŋwam Mbon Unana

¹ MBUFO etoro Jehovah, Mbufo ikɔt Jehovah, etoro, etoro enyiŋ Jehovah.

² Yak enyiŋ Jehovah edi se ekɔmde ke emi ye ke nsinsi.

³ Ɔfɔn nte eto-rode enyiŋ Jehovah ɔtɔŋɔde ke edem usiaha-utin tutu osim ke edem usop.

⁴ Jehovah omokoŋ akan kpukpru mme idut, ubɔŋ esie akan enyɔŋ.

⁵ Anie ebiet Jehovah Abasi nnyin, emi oduŋde ke enyɔŋ,

⁶ emi onyuŋ ɔsuhɔrede ese ŋkpɔ ke enyɔŋ ye ke isɔŋ?

⁷ Enye osio mme ubuene ke ntan emen, onyuŋ ada eyen unana ke ifum onim ke enyɔŋ;

⁸ Man anam enye etie ye mbɔŋ, kpa mbɔŋ obio mmo.

⁹ Enye anam ada ke ufɔk oduŋ nte eka nditɔ emi adatde esit. Mbufo etoro Jehovah.