ŊWED MME PSALM 110 - Edisana ñwed Abasi Ibom

Abasi Ɔnɔ Edidem Esie Edikan

Psalm David.

¹ JEHOVAH ɔdɔhɔ ye Ɔbɔŋ mi, ete, “Tie mi ke ubɔk nnasia, tutu nda mme asua fo nnim fi ke udorukot.”

² Jehovah eyetie ke Zion ɔnɔ esaŋ odudu fo esɔk fi: da ubɔŋ ke otu mme asua fo.

³ Ikɔt fo edi enɔ ima-esit ke usen odudu fo, ke edisana mbanaoto ke idibi usiere, afo emenyene mbara uyen fo.

⁴ Jehovah ɔmɔŋwɔŋɔ, idinyuŋ ituaha mkpɔfiɔk, Afo edi nsinsi oku, nte utɔ Melchizedek asaŋade.

⁵ Ɔbɔŋ emi odude fi ke ubɔk nnasia, asuan ndidem ke usen iyaresit esie.

⁶ Enye eyekpe ikpe ke otu mme idut, amanam mme okpo owo eyɔhɔ mmɔ; onyuŋ asuan ibuot ke akamba idut.

⁷ Enye eyeŋwɔŋ mmɔŋ ke idim ke (mben) usuŋ, mmɔdo enye edimenerede ibuot ke enyɔŋ.