ŊWED MME PSALM 11 - Edisana ñwed Abasi Ibom

Ikwɔ Mbuɔridem Ɔnɔ Mme Ndinen Owo

Eke etubom mbon ikwɔ. Psalm David.

¹ MMƆBUƆT idem mi ye Jehovah. Didie ke mbufo edɔhɔ ukpɔŋ mi, ete, Ntarusuŋ, mbufo efe eka ke akwa obot mbufo.

² Koro, sese, mme idiɔk owo ekɔk utiga, mmɔ edori idaŋ ke uruk, man etie ke ekim etop mbon emi esit mmɔ enende.

³ Koro mme adaha emɔŋ ewure: eti owo anam didie?

⁴ Jehovah odu ke edisana temple esie, ebekpo Jehovah odu ke enyɔŋ; enyin esie ese, mkpɔk eyin esie edomo nditɔ owo.

⁵ Jehovah odomo edinen owo: ndien ama edi idiɔk owo, ye owo eke amade afai, ukpɔŋ esie asua mmɔ.

⁶ Enye eyenam afia edep anam mme idiɔk owo; ikaŋ, ye brimstone, ye edifiop ofum edi udeme cup mmɔ.

⁷ Koro edinen Jehovah amade se inende: iso esie ese edinen owo.