ŊWED MME PSALM 108 - Edisana ñwed Abasi Ibom

Ndibeŋe Abasi Uŋwam Nsio ke Ubɔk Mme Asua

Ikwɔ. Psalm David.

¹ ESIT ɔmɔwuhɔ mi, O Abasi; nyekwɔ nnyuŋ mbre: ubɔŋ mi eyenam ntem ŋko-ŋko.

² Mbufo, psaltery ye harp, edemere: nyedemere usiere.

³ O Jehovah, nyekɔm fi ke otu mme obio, nnyuŋ mbre nnɔ fi ke otu mme idut.

⁴ Koro ima fo omokpon akan mme heaven: akpanikɔ fo omonyuŋ osim ikpa-enyɔŋ.

⁵ O Abasi, koŋ kan enyɔŋ: nyuŋ menere ubɔŋ fo kan ofuri isɔŋ.

⁶ Man mbon ima fo ekpebɔhɔ, da nnasia fo nyaŋa, yere nnyin.

⁷ Abasi ɔmɔdɔhɔ ke edisana ido esie, ete Nyedara, nyebahare Shechem, nnyuŋ ndeme itihere Succoth.

⁸ Gilead edi okim; Manasseh edi okim; Ephraim ŋko edi odudu ibuot mi: Judah edi owuk-ewuhɔ mi.

⁹ Moab edi akpaŋkpaŋ uyere mmɔŋ mi; nyetop ikpa-ukot mi nnɔ Edom; nyesio mkpo idara mbaŋa Philistia.

¹⁰ Anie edida mi aka ke obio ibibene? Anie edida mi osim ke Edom?

¹¹ Nte idige afo, O Abasi, emi ekemende nnyin ɔduɔk, ndien uduwɔrɔke, O Abasi, ye mbon-ekɔŋ nnyin?

¹² Di nyaŋa nnyin, sio ke ukut; koro erinyaŋa eke otode owo edide ikpikpu.

¹³ Nnyin iyeda Abasi inam uko; ndien edi enye edidigi mme asua nnyin.